Deut 17:3 - Kaqchiquel Bible

³ o wi nuya' kiq'ij ri ch'aqa' chik dios y kan nixuke' chikiwech, y nuya' ruq'ij ri q'ij, ri ik', ri ch'umila' ri ek'o chikaj, ri kan rubin kan ri Jehová Dios chi man tiban keri';

Deut 17:3 ပူးပေါင်းရင်းမြစ်များ

Wuj Richin ri Jeremías 7:31

Y xekipabala' k'a q'anej porobel ri chiri' pa Tófet*f3* pa taq'aj kojol juyu' Ben-hinom ri akuchi yekiporoj ri kalk'ual. Re' jun banobel ri man xinbij ta yin richin chi niban y kan man jun bey xpe ta pa wánima richin keri' nibanatej.

Wuj Richin ri Jeremías 32:35

Chuqa' xekipaba-q'anej porobel richin ri Baal chiri' pa taq'aj kojol juyu' Ben-hinom, richin chi chiri' yekiporoj-wi ri kimi'al-kik'ajol richin kamelabel chire ri ki-dios Moloc. Ronojel re' kan man xinbij ta chike chi nikiben, ni man jun bey xinch'ob rij. Y toq ri winaqi' ri' xkiben ri itzel taq banobel ri', xkiben richin xemakun ri ch'aqa' chik kiwinaq.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Wuj Richin ri Jeremías 8:2

Y ri baq ri' xketorix kan chuwech ri q'ij, ri ik' y ri ch'umila' ri kan janila xekajo' rije', xekisamajij, xekitzeqelibej, xekik'ulubej y xekiya' kiq'ij. Y ri baq ri' kan man jun k'a xtisik'on-el kichin richin xkemuq. Xkek'oje' kan chiri' pan ulew achi'el ri pamaj.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Wuj Richin ri Rutikeribel 2:1

Kere' k'a toq xk'achoj kibanik ri kaj y ri ruwach'ulew y ronojel ri ek'o chila' chikaj y ronojel ri k'o chuwech re ruwach'ulew.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Deut 17:4

toq xtapon rutzijol iwik'in, kan tiwetamaj k'a jebel rix. Wi qitzij chi xbanatej ri jun itzel banobel ri' pan Israel,

Deut 11:16

Kan tichajij k'a iwi'; man kixq'olotej; man tijech'ej kan iwi' rik'in rija' richin niya' kiq'ij ch'aqa' chik dios y yixxuke' chikiwech.