Deut 17:20 - Kaqchiquel Bible

²⁰ Richin keri' man tunimirisaj-ri' chikiwech ri ruwinaq, y man tujech'ej kan ri' chire ri pixa', ni ta pa rijkiq'a', ni pa rajxokon. Richin keri' kan xtiyaloj k'a ri ruk'aslen chupan ri ruq'atbal-tzij, rija' y ri e rijatzul.

Deut 17:20 ပူးပေါင်းရင်းမြစ်များ

2 Sam 22:23

Kan nintzeqelibej k'a ri rupixa' ri Dios, roma chuwe yin achi'el jun utzilej bey. Y kan man xtinch'er ta k'a kan wi' chire.

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

1 Rey 11:36

Y xaxe chik k'a jun tzobaj ri xtuya' kan chire ri ruk'ajol ri Salomón, richin keri' ri rusaqil ri David, man xtichup ta qa chuwech ri Jehová ri chiri' pa tinamit Jerusalem ri rucha'on richin chiri' ninatex-wi ri rubi'.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 15:5

Ri David kan choj k'a ri rubanobal ri xeruben chuwech ri Jehová, y kan man xujech'ej ta kan ri' rik'in ri rupixa' ri Jehová ronojel q'ij chire ri ruk'aslen, ri xumakuj xa kan xaxe ri xuben rik'in ri Urías ri hitita.

1 Rey 2:3

Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

2 Rey 10:30

Roma ri' ri Jehová xubij chire ri Jehú: Roma kan xaben ri choj chinuwech yin, y xaben ronojel ri achi'el ri k'o pa wánima yin rik'in ri rijatzul ri Acab, roma ri' ri awalk'ual kan xkeq'aton-tzij wawe' pan Israel k'a xtapon na ri rukaj sol richin ri awijatzul.

2 Rey 14:10

Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

2 Crón 25:19

Rat nabij chi xe'atzeq jumul ri aj-Edom, y roma ri' kan xpe pan awánima richin xanimirisaj-q'anej-awi', y kan nakanoj chi niya'ox más aq'ij. Jak'a más utz kak'oje' pan awachoch. Yin nintz'et chi xa kan ayon rat nakanoj ri ruk'ayewal pan awi' y chuqa' pa ruwi' ri awajawaren, xcha'.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

2 Crón 33:19

Chuqa' ri ruch'owen rik'in ri Dios, y toq xak'axatej ronojel ri rumak ri xuben toq man xunimaj ta rutzij ri Dios, keri' chuqa' toq xeruben ri akuchi xkiya-wi kiq'ij ri wachibel ri pa ruwi' taq juyu', toq xeruben ri paban-che' richin Asera y ri ch'aqa' chik wachibel richin xuya' kiq'ij, y toq man jani tuqasaj-ri' chuwech ri Dios; ronojel k'a re' xtz'ibatej kan chupan ri kiwuj ri yetz'eton ri peteneq chikiwech.

2 Crón 33:23

Kan man jun bey k'a xuqasaj-ri' chuwech ri Jehová, stape' ri rutata' xuqasaj-ri' chuwech ri Jehová. Rija' xa kan xunimirisaj ri rumak.

2 Crón 34:27

y kan xsilon ri awánima y xaqasaj-awi' toq xawak'axaj ri nubij pa ruwi' re tinamit y pa kiwi' ri winaqi'; y roma kan xaqasaj-awi' chinuwech, xaretz ri atziaq chawij y janila xatoq' chinuwech; yin kan xatinwak'axaj yan k'a.

Wuj Richin Bix Chire ri Dios 119:102

Man xinch'er ta wi' chire ri ruchojmilal, roma kan ja rat xatijon wichin.

Wuj Richin Bix Chire ri Dios 132:12

Chuqa' xabij chi wi ri ralk'ual nikitaqej ri jikibel-tzij ri', rije' chuqa' kan xketz'uye' jantape' chupan ri tz'uyubel richin ri q'atbel-tzij ri'.

Wuj Richin Bix Chire ri Dios 19:11

Ronojel re', kan nubij k'a chire ri asamajel ri utz y ri man utz ta nuben; wi nuyek re' pa ránima, kan k'o rajel ruk'exel xtuk'ul.

Wuj Richin Etamabel-Tzij 10:27

Ri wineq ri k'o rukiy ri Dios chuwech, nukochij más q'ij ruk'aslen, jak'a ri e banoy richin ri etzelal, ri Dios xa nuqupij chi'anin ri kijuna' chuwech re ruwach'ulew.

Wuj Richin Etamabel-Tzij 27:24

Roma kan man jun beyomel ri kan richin ta q'asen, ni ri ru-corona jun rey, man xtiyaloj ta.

Wuj Richin ri Molojri'il 8:13

Ri aj-maki', ri maneq Dios chikiwech xa maneq ruki'il ri kik'aslen y xa man niyaloj ta. Xa kan achi'el ok jun muj ri xa niq'ax chi'anin.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

Deut 12:25

Kan man titej k'a ni man tiqum ri kik'. Wi xtiben ri nubij ri Jehová ri qa-Dios, kan utz k'a xkixbe rix y ri iwijatzul.

Deut 12:28

Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Deut 17:11

Kan tibana' k'a ronojel ri nubij ri pixa' y ri ruchojmilal ri achi'el ri nikibij-pe rije' chiwe, y man tijech'ej kan iwi' pa iwijkiq'a' y ni ta pa iwajxokon.

Deut 4:2

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.

Deut 5:32

Roma ri' kan tibana' k'a ronojel ri rubin ri Jehová ri qa-Dios; y man tijel rubanik.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

1 Sam 10:25

Chirij ri' ri Samuel xuq'alajirisaj chuwech ri tinamit ronojel ri k'o chi nuben ri rey y xutz'ibaj kan chupan jun wuj. Y re wuj re' xuyek kan chupan ri rachoch ri Jehová.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.