Deut 17:2 - Kaqchiquel Bible

² Wi chupan jun chike ri itinamit ri niya'ox chiwe, nilitej ta jun ixoq o jun achin ri man nunimaj ta rutzij ri Jehová ri qa-Dios y nuben ri itzel chuwech y nuq'ej ruwi' ri rujikibel-tzij;

Deut 17:2 ပူးပေါင်းရင်းမြစ်များ

2 Rey 18:12

Rije' xkik'uluwachij keri' roma kan man xkinimaj ta rutzij ri Jehová ri ki-Dios. Xa kan xkiq'ej k'a ri rujikibel-tzij. Ronojel ri rubin ri Moisés ri rusamajel, rije' man xkak'axaj ta k'a ni man xkiben ta.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Wuj Richin ri Achin Job 31:28

Wi ta kan xinben keri', kan mak ta chuqa' ri xinben y k'o chi xq'at ta tzij pa nuwi'; roma rik'in jun banobel keri', kan xink'ut ta chi maneq jun nimalej Dios ri k'o pa ruwi' ronojel.

Ex 22:19

Wi k'o ta jun achin netz'an rik'in jun ixoq chikop o jun ixoq netz'an ta rik'in jun achij chikop, rije' kan xkekamisex k'a.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 34:18

Rix xiben re jun jikibel-tzij re', jak'a man xitaqej ta. Y roma ri' ninya' rutojbalil-mak pan iwi'. Rix xich'er k'a pa nik'aj ri alaj achij wákix y xiya' kan pa ka'i' cholaj. K'ari' xiq'ax pa kinik'ajal.

Ez 16:38

Kan xtinq'et k'a tzij pan awi', achi'el niq'at-tzij pa ruwi' jun wineq kamisanel y jun ixoq itzel ruk'aslen. Y rik'in k'a janila woyowal xkatinjech pa kamik.

Os 6:7

Jak'a rix xa kan xiben achi'el xuben ri Adán, xa xiq'ej ruwi' ri nujikibel-tzij. Kan janila k'a xixmakun chinuwech yin.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Wuj Richin ri Chojmirisabelri'il 20:2

tubij chike ri winaqi': Xabachike k'a iwinaq o man iwinaq ta ri ek'o chi'ikojol, wi k'o ta jun yerusuj ri ralk'ual chire ri dios rubini'an Moloc, yin kan xkitzu'un pa ruwi' rija', y xtinwetzelaj roma kan nuben chire ri wachoch man ch'ajch'oj ta. Roma rija' niyoq'otej ri nubi', roma ri' xtikamisex chi abej koma ri iwinaq.

Wuj Richin ri Chojmirisabelri'il 26:15

y wi rix xtiwixowaj ri pixa' ri nuya'on chiwe, y man xtitaqej ta ri nuch'abel, y wi xtiq'ej ruwi' ri jikibel-tzij ri qabanon,

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Deut 17:5

kan tuk'uex k'a chuchi' ri tinamit ri achike xbanon ri itzel banobel ri', y chiri' k'a tikamisex chi abej.

Deut 29:18

Wakami k'a man jun tuch'er kan ri' y numestaj ta kan ri Jehová ri qa-Dios, ni ta achi'a', ni ta ixoqi', ni ta ri alk'ualaxela' y ni ta ri iy-mam y ri ach'alalri'il ri richin ri tinamit, richin ye'isamajij y niya' kiq'ij ch'aqa' chik dios kichin ri winaqi' ri e richin ri ruwach'ulew ri'; roma wi k'o jun nibanon keri' chi'ikojol xa kan nok k'a achi'el ruxe' che' ri k'ey-k'ey y nikamisan.

Deut 29:25

Y k'ari' xtibix k'a chikij: Kela' xkik'uluwachij roma xkimalij kan ri rujikibel-tzij ri Jehová ri ki-Dios kan ri kati't-kimama', ri jikibel-tzij ri xuben kik'in toq xerelesaj-pe pan Egipto.

Deut 31:20

Y toq yin xkenkusaj-apo chupan ri ruwach'ulew ri akuchi niwachin-wi ronojel ruwech tiko'n, ri ruwach'ulew ri kan nuya'on nutzij chire chi chike ri ite-itata' ninya-wi, toq rije' xewa-xe'uk'ya' yan richin xech'uch'u' y xeti'ojir yan, jari' toq xtikiya' kiq'ij ch'aqa' chik dios y xkinkimalij kan yin y xtikiq'ej ruwi' ri nujikibel-tzij.

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Hebreos 10:28

Ri ojer kan, ri winaqi' ri kan man nikinimaj ta ri pixa' ri ya'on chire ri Moisés, y wi ek'o ka'i-oxi' ri xetz'eton y xebin chi xemakun, kan yeken-wi k'a ri', man nijoyowex ta kiwech.

Wuj Richin ri Josúe 7:11

Ri e rijatzul ri Israel xemakun; xkiq'ej ruwi' ri nujikibel-tzij ri xinya' chike, roma xkichop ri banon chire chi nik'is jumul. Kan xe'eleq' k'a, kan xkitz'uk-tzij y kan xkewaj chukojol ri iwichin rix ri xa banon chire chi nik'is jumul.

Wuj Richin ri Josúe 7:15

Y ri xtilitej chi k'o rik'in ri banon chire chi nik'is jumul, xtiporox k'a: Rija' y ronojel ri k'o rik'in, roma xuq'ej ruwi' ri rujikibel-tzij ri Jehová y roma kan xuben re jun mak re' chiqakojol roj, xkacha' chike, xcha' ri Jehová.

Wuj Kichin ri To'onela' 2:20

Y ri winaqi' israelita kan janila k'a xkiyek royowal ri Jehová y roma ri' xubij k'a chike: Roma kan man xinimaj ta nutzij y xa xixolq'otij ri nujikibel-tzij ri xinya' chiwe,

Wuj Kichin ri To'onela' 6:31

Y ri Joás xubij k'a chike konojel ri kimolon-apo-ki' chiri': ¿Kan niwajo' rix nito' ri Baal? ¿Kan yixch'ojin pa ruk'exel rija'? Wi k'o jun chiwe rix ri nrajo' nuto' ri Baal, kan k'o k'a chi niken wakami yan. Y wi ri Baal kan qitzij dios, kan tuto' ri' ruyon rija' chuwech ri xwulan-el ri ruporobal, xcha'.