Deut 17:18 - Kaqchiquel Bible

¹⁸ Toq ri rey xtitz'uye' kan, jari' k'a xtubij chi titz'ibex chupan jun k'ak'a' wuj ri pixa' ri k'o pa kiq'a' ri sacerdote.

Deut 17:18 ပူးပေါင်းရင်းမြစ်များ

2 Rey 11:12

K'ari' ri Joiadá xrelesaj-pe ri Joás, y xuya' ri ru-corona y chuqa' xuya' ri wuj chire ri k'o ri pixa' chupan. K'ari' xuya' aceite pa ruwi' y xuq'alajirisaj chi ri Joás, ja rija' ri rey. Y konojel ri winaqi' xkipaq'apa' kiq'a' y xkibij: ¡Utz ruwa-ruq'ij ri rey, xecha'.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

2 Crón 34:15

Y toq xunabej ri Hilquías chi ri wuj ri' kan richin ri rupixa' ri Dios, xubij chire ri aj-tz'ib rubini'an Safán: Yin xinwil wawe' jun wuj richin ri rupixa' ri Jehová, xcha'. Y kan xuya' k'a apo chire.

2 Rey 22:8

K'ari' ri Hilquías ri nimalej sacerdote xubij chire ri Safán ri aj-tz'ib chi xril ri wuj richin ri rupixa' ri Jehová chiri' pa rachoch ri Dios. Y ri Hilquías xujech chire ri wuj ri', y ri Safán xusik'ij.

1 Rey 2:3

Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

Wuj Richin ri Josúe 1:8

Man jun bey k'a katane' chubixik ri pixa' kichin konojel winaqi' ri tz'ibatel kan chupan re wuj re', xa kan chi paq'ij, chi chi'aq'a' taquqa-rij richin nayek pan awánima ri tz'ibatel kan chupan ri wuj, y keri' kan utz k'a xkabe chupan ri abey y ronojel k'a ri xtaben kan utz k'a xtel chawech.