Deut 17:17 - Kaqchiquel Bible

¹⁷ Chuqa' man tik'oje' k'iy rixjayil richin man tisach kan ruk'u'x y numestaj kan ri Jehová y chuqa' man tik'oje' pa ruk'iyal q'anapueq y saqipueq rik'in.

Deut 17:17 ပူးပေါင်းရင်းမြစ်များ

Wuj Richin ri Nehemías 13:26

Ja mak re' ri xuben ri Salomón ri rey pa ruwi' ri ruwach'ulew Israel, stape' chuwech ri ruwach'ulew man jun chik rey ri xk'oje' achi'el rija', y ri Dios kan janila xrajo' y xuben chire chi xok rey pa ruwi' chijun Israel. Ja ri ixoqi' aj juk'an chik tinamit xebanon chire richin chi xmakun.

San Mateo 19:5

Roma ri' xubij: Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'. Keri' nubij ri ruch'abel ri Dios.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin ri Rutikeribel 2:24

Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i'.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

San Mateo 13:22

Y ri ija'tz ri xqaqa kan kojol taq q'ayis ri k'o ruk'ixal, kan nich'on-wi k'a chikij ch'aqa' chik winaqi' ri nikak'axaj ri ruch'abel ri Dios. Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, xa yejiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

1 Rey 10:21

Y ronojel qumbel ri richin ri rey Salomón kan e banon rik'in q'anapueq, y keri' chuqa' ri jalajoj ruwech rulaq ri k'o pa rachoch, rubini'an Che' Richin Líbano. Toq ri Salomón xq'aton-tzij, man xukusaj ta saqipueq roma man jun rejqalen.

2 Sam 5:13

Toq ri David xel-pe pan Hebrón y xapon pa Jerusalem xek'oje' ch'aqa' chik ru-concubina y rixjayil. Chuqa' xek'oje' chik k'iy ralk'ual kik'in ri ixoqi' ri'.

2 Sam 12:11

Re ruk'ayewal re' xtipe pan awi' y kan ja ri e aj pan awachoch ri xkek'amon-pe pan awi'. Kan chawech rat xkenk'uaj-el ri awixjayilal y xkenjech chire jun chike ri aj pan awachoch, richin xtik'oje' kik'in. Y re' man pan ewel ta xtibanatej-wi, roma xa kan chijun re tinamit xtitz'eton. Rat abanon-pe ri mak ri' pan ewel, jak'a yin xtinben richin xtiq'alajin chuwech chijun re ruwach'ulew Israel. Yin Jehová ri yibin, xcha' ri Natán.

1 Rey 10:27

Ri rey xuben chi chiri' pa tinamit Jerusalem ri saqipueq kan pa ruk'iyal ri xk'oje', y kan achi'el chik k'a ri abej rubanon, y chuqa' janila xetamex ruwech ri tiox-che' kan achi'el etaman ruwech ri ruche'el wíkix ri k'o pa taq'aj.

2 Crón 1:15

Chuqa' kan xumol ruchi' saqipueq y q'anapueq pa ruk'iyal chiri' pa Jerusalem, y kan achi'el chik k'a ri abej rubanon, y chuqa' janila xetamex ruwech ri tiox-che' kan achi'el etaman ruwech ri ruche'el wíkix ri k'o chuwa-taq'aj.

2 Crón 11:21

Ri Roboam xek'oje' e waqxaqlajuj rixjayil y e oxk'al ru-concubina.*f6* Jak'a kan xaxe ri Maacá ri más xrajo' chikiwech ri ch'aqa' chik ixoqi'. Y xeralk'ualaj k'a e juwineq waqxaqi' ruk'ajol y e oxk'al rumi'al.

Wuj Richin Etamabel-Tzij 31:3

Man tak'is ri awuchuq'a' kik'in ixoqi', ni man taben ri banobel ri e tzaqayon-el kichin k'iy rey.

1 Crón 14:3

Y ri David xk'ule' chik kik'in ch'aqa' chik ixoqi' chiri' pa Jerusalem, y xek'oje' chik ch'aqa' ralk'ual.