Deut 17:16 - Kaqchiquel Bible

¹⁶ Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Deut 17:16 ပူးပေါင်းရင်းမြစ်များ

2 Sam 8:4

Y ri David xeruchop-pe chiri' e 1,700 achi'a' yech'oke' chirij kiej,*f6* y e 20,000 aj-labal ri yebe chikaqen. Y keri' chuqa' xekitzak'ila' kan ri paten-iboch' chire ri kaqen ri kiej ri ye'uk'uan carruaje richin oyowal, y xaxe chik k'a e wok'al ri man jun xuben chike.

1 Rey 1:5

Chirij re' ri Adonías ruk'ajol ri David ral ri jun ixoq rubini'an Haguit, xyakatej chirij ri rutata' y xubij chi ja rija' nik'oje' kan pa ruk'exel; y roma ri' xerukanoj carruaje y xerukanoj achi'a' ri yech'oke' chirij kiej richin nikitzeqelibej rija'. Xerukanoj chik e juwineq lajuj achi'a' richin ye'ik'o chuwech.

1 Rey 4:26

Y rik'in rija', xek'oje' 4,000 kachabal kiej, kichin ri kiej ri yejik'o-el ri carruaje. Y ek'o chuqa' e 12,000 achi'a' ri yech'oke' chirij kiej.

1 Rey 5:6

Yin nink'utuj k'a jun nimalej utzil chawe chi tataqa' ruqupixik tiox-che' pa Líbano, y yin xkentoj ri asamajela' ri xkebanon ri samaj achi'el ri kajel ri xtabij rat, roma awetaman chi re wawe' pa nutinamit man jun nitikir niqupin che' achi'el ri isamaj rix ri aj-Sidón. Yin xkenteq chuqa-el nusamajela' ri xketo'on kichin, xcha-el ri Salomón.

2 Crón 1:16

Ri loq'onela' richin ri rey Salomón nikiloq'ola-pe ri kiej pan Egipto y pa Cilicia, y nikik'en-pe chire.

2 Crón 9:25

Ri Salomón xek'oje' e 4,000 rukiej y keri' chuqa' rajlabal ri akuchi xek'oje-wi ri kiej y ri carruaje, chuqa' e 12,000 achi'a' ri yech'oke' chirij taq kiej. Re' xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Ex 13:17

Toq ri rey xuya' q'ij richin xe'el-el ri israelita, ri Dios man xeruk'uaj ta chupan ri bey ri akuchi k'o-wi ri kiruwach'ulew ri aj-Filistea, stape' jari' ri bey ri más naqaj, roma xubij ri Dios chi rik'in juba' nikitzolij-ki' chikij toq xtikitz'et ri labal y xa xtikajo' xketzolin kan pan Egipto.

Ex 13:18

Roma ri' rija' xuben chike richin xkichop-el ri bey ri nusutij rij ri tz'iran ruwach'ulew, ri napon ri pa Kaqa-Palou. Y rije' kan xebe k'a y konojel kik'ualon k'a kikamisabal.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Wuj Richin ri Isaías 2:7

Ri qaruwach'ulew xa kan nojineq rik'in q'anapueq y saqipueq. Ri qabeyomel xa man ajlatel ta. Chuqa' chupan ri qaruwach'ulew janila chi kiej ek'o, y ri carruaje kan man e ajlatel ta.

Wuj Richin ri Jeremías 42:19

Jare' ri rutzijol ri xuya' ri Jehová chiwe ri k'a ixk'o kan wawe' pa ruwach'ulew Judá. Xubij chiwe chi man kixbe pan Egipto. Kan toqaqa k'a chi'ik'u'x jebel ri xubij chiwe re wakami.

Ez 17:15

Jak'a re rey re' kan xyakatej chirij ri rey richin Babilonia y ek'o xeruteq pa ruwach'ulew Egipto richin xuteq kik'amik kiej y chuqa' richin xuteq kik'amik pa ruk'iyal achi'a'. ¿Ninimaj kami rix ronojel re'? ¿Kan utz kami xtel chuwech ri xtitikir xtanimej-el y xtukol-el ri ruk'aslen? ¿Nitikir kami nanimej-el jun ri man xutaqej ta ri jikibel-tzij ri xuben?

Os 11:5

Rije' man xketzolin ta chik k'a pan Egipto, pa ruk'exel ri' xa jak'a ri rey richin Asiria ri xtik'oje' pa kiwi'. Kere' xtikik'uluwachij roma kan man xkajo' ta xtzolej kik'u'x wik'in.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri Miqueas 5:10

Ri Jehová nubij chi toq xtapon k'a ri q'ij ri', rija' xkerukamisaj ri kiej kichin ri qawinaq israelita, y kan xkeruwulaj k'a ronojel ri ki-carruaje e richin labal.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

1 Sam 8:11

Y xubij k'a: Ri rey xkeruk'uaj k'a el ri ik'ajol y xkeruya' richin nikiben oyowal pa taq carruaje, o xkeruya' richin xkebe chuwech ri ru-carruaje rija' pa labal.