Deut 16:7 - Kaqchiquel Bible

⁷ Ri ti'ij ri' xtisa' y nitej ri akuchi rucha'on-wi ri Jehová ri qa-Dios, y ri jun chik q'ij jari' yixtzolin pa taq iwachoch.

Deut 16:7 ပူးပေါင်းရင်းမြစ်များ

2 Rey 23:23

Kan k'a ja chupan ri juna' waqxaqlajuj richin ri q'atbel-tzij richin ri Josías, jari' toq xnimaq'ijux ri nimaq'ij ri' chiri' pa Jerusalem.

2 Crón 35:13

Chirij re' k'ari' xekisa' ri kich'akul ri taq chikopi' richin ri nimaq'ij ri', achi'el nubij ri pixa'. Y ri ch'aqa' chik ti'ij xechaq'irisex pa bojo'y y chupan ch'aqa' chik k'ojelibel; y kan anineq k'a xtalux chikiwech ri winaqi' richin ri tinamit.

San Juan 11:55

Jari' k'a toq napon yan ri q'ij richin nikinataj toq ri Dios xuya' ri Solbelri'il. Roma ri' kan janila yan k'a e k'iy winaqi' ri xe'el-pe pa taq kitinamit, richin xebe pa Jerusalem. Kan xebe yan k'a roma k'o chi nibekich'ajch'ojirisaj-ki' chuwech ri Dios.

San Juan 2:13

Kan naqaj chik k'a ri q'ij richin ri kinimaq'ij ri judío, ri nikinataj toq ri Dios xuya' ri Solbelri'il chike. Roma ri' ri Jesús kan xbe k'a pa Jerusalem, richin ri nimaq'ij ri'.

San Juan 2:23

Chupan k'a ri q'ij toq k'o ri Jesús pa Jerusalem roma ri nimaq'ij, kan e k'iy wi k'a winaqi' ri xkikuquba' kik'u'x rik'in xaxe roma xekitz'et ri meyel taq banobel ri xeruben chikiwech.

Deut 12:5

Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Deut 16:2

Chupan k'a ri nimaq'ij ri', xtikamisaj k'a wákix y karne'l richin nitej chiri' akuchi rucha'on-wi ri Jehová richin niya' ruq'ij.

Deut 16:6

xa kan xaxe ri akuchi rucha'on-wi ri Jehová ri qa-Dios, richin niya' ruq'ij-ruk'ojlen. Chiri' k'o chi nikamisaj ri chikop ri' toq niqaq'ij-qa, roma jari' toq xojel-pe pan Egipto.