4 Chupan ri wuqu' q'ij ri' man tik'oje' ch'amilej-q'or iwik'in chupan chijun ri iruwach'ulew. Chuqa' chire ri ti'ij ri xtitej chupan ri tiqaq'ij ri', man jun nik'oje' kan richin ri jun chik q'ij.
Toq nisuj k'a ri kik' richin jun kamelabel, man titun-pe junan rik'in xabachike ri ruk'uan ch'amilej-q'or. Chuqa' toq niben ri natabel richin ri solbelri'il chiri' pan Egipto, ri ti'ij richin ri kamelabel, wi xa man nik'is ta, man tiyek kan richin ri ruka'n q'ij.
Chi wuqu' q'ij k'a xtiqatej ri kaxlan-wey ri maneq ch'amilej-q'or rik'in, y kan man k'a tik'oje-pe naqaj ri ch'amilej-q'or; y keri' xtibeqabana' chupan ri ruwach'ulew akuchi xqojapon-wi.
Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.
Ri Jesús xuya' chik k'a jun k'ambel-tzij chikiwech, y xubij: Ri aj-chikajil ajawaren kan nibiyin k'a achi'el ri ch'amilej-q'or ri niberuk'ama-pe jun ixoq y nuxol chupan oxi' etabel k'ej, ri nuch'amirisaj ronojel, xcha' ri Jesús.
Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.
Toq nisuj k'a ri kik' richin jun kamelabel, man tisuj junan rik'in ri kaxlan-wey ri ruk'uan ch'amilej-q'or. Chuqa' ri ruq'anal ri chikop ri richin ri kamelabel, man tiyek kan k'a richin ri ruka'n q'ij.