Deut 16:3 - Kaqchiquel Bible

³ Ri ti chikop ri' nitej rik'in kaxlan-wey ri maneq ch'amilej-q'or rik'in. Wuqu' k'a q'ij nitej ri kaxlan-wey keri'. Re' nuk'exewachuj ri tijoj-poqonal, roma kan chi'anin k'o chi xojel-pe pan Egipto. Keri', kan chijun k'a ik'aslen toqaqa chi'ik'u'x ri q'ij toq xojel-pe pan Egipto.

Deut 16:3 ပူးပေါင်းရင်းမြစ်များ

Ex 12:39

Y rik'in k'a ri k'ej ri kimuban-pe y man jani kiya'on ta pe ch'amilej-q'or rik'in, toq xe'el-pe ri pan Egipto, rik'in ri' xkiben kikaxlan-way, roma xa chi'anin xe'elesex-pe y man xetikir ta chik xkiben-pe ri k'atzinel richin nikitej.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

San Lucas 22:19

Keri' chuqa' xuk'en-apo ri kaxlan-wey, y toq rumatioxin chik chire ri Dios, xuper y xuya' chike ri rutijoxela' y xubij: Kan titija' k'a. Roma jare' ri nuch'akul ri kan xtijach pan ik'exel rix. Kan tibana' k'a richin jun natabel wichin yin, xcha'.

Wuj Richin ri Q'axanri'il 9:11

K'o k'a chi ninimaq'ijuj chupan ri q'ij kajlajuj chire ri ruka'n ik', toq nok yan qa ri aq'a'. Y chuqa' k'o chi nikitej ri kaxlan-wey ri maneq ch'amilej-q'or rik'in, y ri k'ayilej-ichaj.

Ex 12:8

Chupan ri aq'a' ri' xtitej sa'on ti'ij. Xtitej chuqa' kaxlan-wey ri maneq ch'amilej-q'or rik'in y k'ayilej-ichaj.

1 Tesalonicenses 1:6

Rix xojiwojqaj roj, y chuqa' kan xiwojqaj ri Dios. Stape' xitej-poqon, kan xik'ul ri xqatzijoj chiwe. Y re' xik'ul rik'in kikoten ri nuya' ri Loq'olej Espíritu.

1 Corintios 5:8

Keri' roj tiqanimaq'ijuj k'a ri q'ij richin ri qasolbelri'il chire ri mak, y ri' ja ri rukamik ri Cristo. Qojok k'a achi'el ri kaxlan-wey ri maneq ch'amilej-q'or rik'in, nel chi tzij chi qojch'on qitzij y tz'aqet ta ri qak'aslen.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Wuj Richin Bix Chire ri Dios 127:2

Xa man jun nik'atzin-wi chi janila nimaq'a' yan yixyakatej richin yixsamej, man jun nik'atzin-wi chi yixsamej nej aq'a', roma ri Jehová kan nuya' k'a ri k'atzinel chike ri ralk'ual, ri kan yerajo'.

Wuj Richin Bix Chire ri Dios 111:4

E nima'q taq banobel yeruben ri Jehová richin natabel richin. Rija' kan joyowanel y koch'onel.

Wuj Richin Bix Chire ri Dios 102:9

Ronojel ri nintej, xa nuxol-ri' rik'in chaj. Y ronojel ri ninqum, xa kan nuxol k'a ri' rik'in ri ruya'al runaq'-nuwech.

1 Rey 22:27

Y xubij-el chi tibix chike rije' chi tikitz'apej pa jay ri achin ri', y tichajix jebel richin man nanimej, y xaxe juba' wey y juba' ya' tiya'ox chire k'a toq xtitzolin na pe rija'.

Wuj Richin ri Q'axanri'il 28:17

Y chupan chik ri jun q'ij jari' toq nitikeriba' yixnimaq'ijun wuqu' q'ij nitej kaxlan-wey ri maneq ch'amilej-q'or rik'in.

Wuj Richin ri Chojmirisabelri'il 23:6

Y chupan ri q'ij wolajuj, xtichop-el richin ninimaq'ijuj ri kaxlan-wey ri maneq ch'amilej-q'or rik'in, richin niya' nuq'ij yin. Y wuqu' k'a q'ij nitej ri kaxlan-wey ri'.

Ex 12:11

Kere' k'a ibanik toq xkixwa': Kan jebel tibatz'a' ri ipan, tixima' ri ixajab chi'iwaqen, y ri ich'ame'y tichapa' pan iq'a'. Y kan xtitej k'a anineq ri k'o chi nitej. Jari' ri nimaq'ij richin ninataj ri Solbelri'il.

Ex 12:17

Kan xtinimaq'ijuj k'a ri q'ij richin ri nimaq'ij richin ri kaxlan-wey ri maneq ch'amilej-q'or rik'in, roma chupan ri q'ij ri' xixinwelesaj-pe pa ruk'ayewal ri chiri' pan Egipto. Y roma ri' kan xtichajij k'a re jun pixa' re'. Chi wiq chi tanaj kan kere' k'a xtiben beneq ruwech.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 16:2

Chupan k'a ri nimaq'ij ri', xtikamisaj k'a wákix y karne'l richin nitej chiri' akuchi rucha'on-wi ri Jehová richin niya' ruq'ij.

Wuj Richin ri Isaías 52:12

Man kixel-pe achi'el xa ta k'o ix oqotayon-pe, ni man kixpe achi'el xa ta iwewan-pe-iwi', roma ri Jehová, jari' ri xtik'o-pe chiwech. Y chuqa' ri qa-Dios, ja rija' xkixto'on chikiwech ri e etzelanel iwichin ri e peteneq chiwij.

Wuj Richin ri Josúe 4:7

jari' toq xtikibij chike: Toq ri káxa ri akuchi beneq-wi ri rujikibel-tzij ri Dios xapon chuchi' ri raqen-ya', jari' toq xch'aratej ri raqen-ya' Jordán, xkecha'. Y kan keri' k'a xtiben, roma ri' re jun molaj abej re' xtik'atzin richin natabel chike ri iwiy-imam richin q'asen, xcha' ri Josué.