Deut 16:21 - Kaqchiquel Bible

²¹ Chunaqaj ri akuchi ibanon-wi ri porobel richin ri Jehová ri qa-Dios, man jun che' titik-qa richin niya' ruq'ij ri ixoq-dios Asera.

Deut 16:21 ပူးပေါင်းရင်းမြစ်များ

2 Crón 33:3

Rija' xuchojmirisaj chik el jun bey ri akuchi nikiya-wi kiq'ij ri wachibel ri pa ruwi' taq juyu' ri e ruyojon kan ri Ezequías, ri rutata'. Chuqa' xeruben chik q'anej jun bey ri porobel kichin ri Baal, y ri che' ruwachibel ri Asera. Xuya' kiq'ij ri ch'umila', ri ik' y ri q'ij,

2 Rey 17:16

Xa xkiya' k'a kan ri pixa' richin ri Jehová ri ki-Dios, y xa xkiben k'a ruwachibel ka'i' nima-alaji' achija' taq wákix ya'erisan pa q'aq'. Chuqa' xkiben ruwachibel ri Asera, y xkiya' kiq'ij ri ch'umila', ri ik', ri q'ij y ronojel ri ek'o chuwech ri kaj, y xkisamajij k'a ri Baal.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

1 Rey 16:33

Chuqa' xuben-q'anej jun paban-che' richin nikiya' ruq'ij ri Asera. Ja rija' ri más xmakun chikiwech ri rey ri xek'oje' nabey chuwech rija', y roma ri' xuyek royowal ri Jehová ri Dios richin Israel.

1 Rey 14:15

Ri Jehová xtuyikikej ri tinamit Israel achi'el nuk'uluwachij ri aj ri ek'o chuchi' raqen taq ya' toq nisilon ri ya'. Y xkeruk'uq-el jumul chuwech re utzilej ruwach'ulew ri xuya' chike ri iwati't-imama'. Y rix xkixrutalula-el k'a juk'an chik chire ri raqen-ya' Éufrates, roma xe'ipaba-q'anej ri paban-che' richin xiya' ruq'ij ri dios ixoq Astarté, y rik'in ri' xiyek royowal ri Jehová.

Wuj Kichin ri To'onela' 3:7

Ri kibanobal ri israelita kan janila itzel chuwech ri Jehová roma xa xemestan rik'in rija' y xa ja ri Baal y ri Astarot ri xkiya' kiq'ij.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.