Deut 16:19 - Kaqchiquel Bible

¹⁹ Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Deut 16:19 ပူးပေါင်းရင်းမြစ်များ

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Ex 23:2

Man jun bey ke'itzeqelibej ri winaqi' roma e k'iy y xa man utz ta ri nikiben. Kan man jun bey k'a tixotoba' rubanik ri chojmilal, xaxe roma e k'iy chike ri winaqi' ri yebin.

Wuj Richin Etamabel-Tzij 17:23

Ri itzel q'atoy-tzij, kan yeruk'ul kan ri sipanik ri nikiya' kan ri winaqi' pa ruq'a'; y xa roma ri' toq rija' nujel rubanik ri ruq'atbal-tzij.

Wuj Richin ri Habacuc 1:4

Ri apixa' xa kan maneq chik rejqalen niban chire. Xa kan man jun chik ruchojmilal nibanatej. Ri e banoy etzelal kan jantape' k'a e kitzeqeliben ri choj kik'aslen. Y ri winaqi' xa nikixotoba' ri ruchojmilal.

Deut 24:17

Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Wuj Richin ri Isaías 1:17

Tiwetamaj niben ri utz. Kan titija' iq'ij richin nikanoj ri ruchojmilal. Kan ke'ito' ri yetz'ilox. Kan tibana' pa ruchojmilal kik'in ri meba'i'. Y kan ke'ito' ri malkani' toq ek'o chuwech ri q'atbel-tzij.

Wuj Richin ri Molojri'il 7:7

Kan qitzij wi chi toq niq'at rusamaj jun aj-na'oj nisach ruk'u'x, y toq nipuaqix niyojtej rubanik ri ránima.

Wuj Richin Etamabel-Tzij 24:23

Re etamabel-tzij re', kan kichin chuqa' ri winaqi' e aj-na'oj: Man utz ta chi toq niban jun q'atoj-tzij, xaxe jun ri utz niban rik'in.

Hechos 23:3

Jak'a ri Pablo xubij-apo chire: ¡Ri xtibanon k'a kere' chawe rat ja ri Dios! ¡Rat at jun achin ri xa ka'i' apalej! Roma kan at tz'uyul k'a pe chiri' richin naq'et-tzij pa nuwi', y chuqa' nak'owisaj pa nuwi' ronojel ri pixa', ¿jak'a achike k'a roma toq rat naben chi kich'ay, y ri pixa' man keri' ta ri nubij?, xcha' ri Pablo.

Hechos 16:37

Jak'a ri Pablo xubij k'a chike ri juq'at chik chajinela': Ri iwir, ri q'atoy taq tzij kan chi'anin yan xkiteq qach'ayik chikiwech ri winaqi' y man jani kiq'aton ta tzij pa qawi'. Jak'a roj oj richin chuqa' ri ajawaren richin ri Roma. Chuqa' xojkitz'apej kan pa cárcel. Jak'a re wakami kan nikajo' chi man ta jun ri ninaben re yojel-el. Ni; tibebij chike ri q'atoy taq tzij, chi ja rije' ri kepe chiqelesaxik, xcha' ri Pablo chike.

Hechos 10:34

Ri Pedro kan jari' k'a xuchop nich'on, y xubij: Wakami kan qitzij k'a nik'ulun chinuwech chi ri Dios kan junan rubanon chiqe qonojel winaqi'. Man xaxe ta jun tinamit nrajo', y yeretzelaj ta kan ri ch'aqa' chik.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin Etamabel-Tzij 24:28

Rat, kan man katok jun q'alajirisanel, tz'ukuy-tzij, chirij jun wineq; kan man ke'abila' tzij ri xa man e qitzij ta.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 8:3

Jak'a rije' man xkiben ta achi'el xuben ri kitata'. Rije' xa ja ri méro ri xkirayij ruwech y xekik'ul ri sipanik ri man ruk'amon ta richin nikik'ul y keri' xkiq'ej ri ruchojmilal ri k'aslen.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 23:3

Y chuqa' man roma ta chi jun wineq man jun k'o rik'in, roma ta ri' nixotoba' rubanik ri ruchojmilal, xaxe richin nito-el rija'.

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

1 Sam 8:1

Toq ri Samuel janila chik ri'j, jari' toq xeruya' ri e ka'i' ruk'ajol richin xe'ok to'onela' pa ruwi' ri tinamit Israel.

Wuj Richin Bix Chire ri Dios 15:5

ri man nuk'utuj ta ral ri méro toq nuya' pa qajik, ri man niqa' ta chuwech nipuaqix richin nich'on itzel chirij jun ri xa maneq rumak. Ri kere' ruk'aslen man jun bey k'a xtibe pa xulan.

Wuj Richin Etamabel-Tzij 15:27

Kan nuk'en-wi-pe ruk'ayewal pa jay, toq jun wineq man utz ta ri akuchi nipe-wi ri ruch'akoj; jak'a ri wineq ri kan man nrajo' ta chi nipuaqix, kan kikoten xtik'ase'.

Wuj Richin Etamabel-Tzij 18:5

Kan man ruk'amon ta chi utz niban rik'in ri wineq itzel, richin chi ri wineq choj ruk'aslen, xa jari' ri nibe kan chuxe' ri ch'a'oj.

Wuj Richin Etamabel-Tzij 31:5

Man xa roma ri tijoj ya', tikimestaj ri tzij richin ruchojmilal ri kibin chik, y xa nikimestaj ri choj rukusaxik ri chojmilal, kik'in ri winaqi' ri nikitej poqon.

Ez 18:8

Toq nuya' méro chire jun ruwinaq pa qajik man xtuk'utuj ta ral y toq nuya' méro chire jun ri man ruwinaq ta, man nuk'utuj ta k'iy ral. Rija' man xtuben ta itzel y toq nuq'et-tzij pa kiwi' e ka'i' winaqi' kan nuben pa ruchojmilal.