Deut 16:18 - Kaqchiquel Bible

¹⁸ Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

Deut 16:18 ပူးပေါင်းရင်းမြစ်များ

1 Crón 23:4

Chike konojel re' e 24,000 richin yepa'e' pa ruwi' ri samaj chupan ri rachoch ri Dios, e 6,000 richin ye'ok aj-raqen y to'onela' pa ruwi' ri ruwach'ulew,

1 Crón 26:29

Ri Quenanías rijatzul kan ri Ishar, y ri e ruk'ajol rija' ja rije' ri e aj-raqen pa kiwi' ri ruwach'ulew y to'onela' chikikojol ri winaqi' richin ri Israel.

Deut 21:2

jari' toq ri achi'a' ri k'o más kiq'ij y ri to'onela', ri ek'o chunaqaj ri akuchi xilitej-wi ri kamineq k'o chi nikimol-ki'. Rije' k'o chi nikitz'et ri achike tinamit ri k'o más naqaj chire ri kamineq.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

Deut 17:9

Xkixapon k'a kik'in ri sacerdote y rik'in ri to'onel, richin nibebij chike ri ruk'ayewal ri k'o chiwech. Y rije' xkebin chiwe ri ruk'amon richin niben.

Ex 21:6

Jari' toq ri rajaw xtuk'uaj ri achin ri', richin chi niberuq'alajirisaj kan chikiwech ri to'onela'. Y k'ari' rija' xtutz'araba-apo ri ruxikin ri rusamajel chuwech ri che' ri chapayon ri ruchi' ri jay, o chuwech ri tz'alem richin ri ruchi-jay, richin nuwop rik'in jun ch'ich' ri is-is rutza'n. Jare' k'a ri xtok retal chi re achin re' xyuqe' kan pa samaj rik'in richin jantape'.

San Mateo 5:21

Rix kan iwak'axan k'a ri xbix chike ri qawinaq ojer kan chi man kekamisan. Y xabachike k'a wineq ri nikamisan, kan aj-mak-wi y k'o chi niq'at-tzij pa ruwi'.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Deut 16:17

Chi'ijujunal xtik'uaj-apo ri isipanik achi'el ri urtisanik ri ruya'on ri Jehová ri qa-Dios pan iwi'.

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

1 Sam 8:1

Toq ri Samuel janila chik ri'j, jari' toq xeruya' ri e ka'i' ruk'ajol richin xe'ok to'onela' pa ruwi' ri tinamit Israel.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

Wuj Richin Etamabel-Tzij 31:23

Ri rachijil rija' kan nuk'ul ruq'ij, koma ri molaj achi'a' ri yeya'on ruchojmilal chike ri winaqi'; keri' niban chire ri rachijil, toq nitz'uye' chikikojol ri rijita'q achi'a' ri kan k'o kiq'ij chiri' pa kiruwach'ulew.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 21:22

Wi ek'o e ka'i' achi'a' ri yech'ayon-ki', y chaq k'ate' nikimej jun ixoq yawa' chik y roma ri' re ixoq re' nuben-el tzaqonik y wi man jun ta chik ri achike xuk'uluwachij rija', ri aj-ch'a'oj xaxe k'a xtutoj ri xtuk'utuj ri rachijil ri ixoq y ri xtikiq'et ri q'atoy taq tzij pa ruwi'.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.