Deut 16:14 - Kaqchiquel Bible

¹⁴ Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 16:14 ပူးပေါင်းရင်းမြစ်များ

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

1 Tesalonicenses 5:16

Jantape' tikikot ri iwánima.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.

Wuj Richin ri Isaías 30:29

Jak'a chiwe rix nuwinaq israelita kan xtibebixex bix, achi'el toq niban nimaq'ij pa tinamit Sión. Kan xtikikot janila ri iwánima, achi'el nikikot kánima ri nikixupuj xul toq yejote-el pa Jerusalem richin nikiya' ruq'ij ri Jehová ri k'o janila ruchuq'a'.

Wuj Richin ri Molojri'il 9:7

Rokik k'a at k'es na, kan tatija' ri akaxlan-way. Taqumu' ri a-vino rik'in kikoten roma ri Dios kan nuya' rutzil pan awi' roma ri asamaj.

Deut 26:11

Y xkixkikot k'a roma ronojel ri utzil ri xtuya' ri Jehová ri qa-Dios chiwe rix y ri e aj pan iwachoch. Keri' chuqa' xkenimaq'ijun iwik'in, ri levita y ri man e iwinaq ta ri ek'o chi'ikojol.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 14:29

richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Deut 16:15

Wuqu' k'a q'ij xkixnimaq'ijun richin niya' ruq'ij-ruk'ojlen ri Jehová ri qa-Dios chiri' akuchi rucha'on-wi rija', roma kan xtuya' urtisanik pan iwi' rik'in ronojel ri itiko'n y pa ruwi' ronojel ri samaj ri xtiben. Kan xkixnimaq'ijun rik'in janila kikoten.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Joel 1:16

Roma kan xqatz'et rik'in runaq' taq qawech toq xelesex ri qaway. Ronojel ri kikoten ri k'o chupan ri rachoch ri qa-Dios kan xk'is.