Deut 15:9 - Kaqchiquel Bible

⁹ Man tiya' q'ij chi nipe itzel taq ch'obonik iwik'in y nibij: Xa noqaqa yan ri juna' wuqu' toq nikuyutej ronojel k'as, yixcha-qa. Y roma ri' xa kan itzel chik k'a xtitz'et y man jun niya' chire. Man k'a tiben keri', roma rija' xa xtisujun-q'anej chuwech ri Jehová y rix kan xtiban chiwe chi kan ix aj-mak.

Deut 15:9 ပူးပေါင်းရင်းမြစ်များ

Wuj Richin ri Achin Job 34:28

Rije' kan man xekito' ta ri winaqi' ri man jun k'o kik'in y roma ri' ri koq'ej ri winaqi' ri' xapon k'a rik'in ri Dios; y rija' kan xrak'axaj k'a ri koq'ej ri kan k'o nik'atzin chike.

Wuj Richin Bix Chire ri Dios 101:3

Kan man xkentzu' ta k'a ri xa man e choj ta; ri kibanobal ri nikich'er kan ki' awik'in kan ninwetzelaj. Kan man xtinya' ta k'a q'ij chi jun chike rije' xtijel-pe wik'in.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Ex 22:22

Man ke'iya' pa tijoj-poqonal ri meba'i' y ri malkani' taq ixoqi'.

Ex 22:23

Roma wi rix kan xke'iya' pa tijoj-poqonal y rije' xkech'on-pe wik'in richin chi kento', kan qitzij ninbij chiwe chi yin kan xkenkol,

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin Etamabel-Tzij 14:21

Ri wineq ri kan nrixowaj ri rachk'uljay, kan mak wi ri nuben; jak'a ri wineq ri kan nujoyowaj ruwech ri man jun k'o rik'in, jebel ruwa-ruq'ij.

Wuj Richin Etamabel-Tzij 21:13

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.

Wuj Richin Etamabel-Tzij 23:6

Xa ta napon jun q'ij chi jun k'ek' wineq yaroyoj richin jun wa'in, man tibe awech y ak'u'x chirij ri jalajoj q'utun ri yeruya' chawech.

Wuj Richin Etamabel-Tzij 24:9

Ri banobel ri nurayij nuben ri wineq ri xa maneq runa'oj, xa ruyon mak; y ri wineq ri xa man nich'obon ta jebel, xa netzelex k'a koma ri winaqi'.

Wuj Richin Etamabel-Tzij 28:22

Ri wineq ri janila nirayin, kan anineq nrajo' nibeyomer-q'anej; y man jun retaman chi xa meba'il ri peteneq chirij.

Wuj Richin Etamabel-Tzij 4:23

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin ri Jeremías 34:14

toq xtitz'aqet wuqu' juna', chikijujunal rije' ri k'o jun loq'on samajel kik'in, k'o chi xtiya'ox q'ij chire richin nitotej-el. Jak'a ri ite-itata' man xinkak'axaj ta y man xkiya' ta kixikin chire ronojel re'.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Mateo 20:15

Roma ronojel ri k'o wik'in yin, kan pa nuq'a' k'a yin k'o-wi richin ninben achike ri ninwajo' ninben rik'in. Rat xa itzel nana' chike rije' toq yin xa ja ri utz ninben, xcha'.

Deut 15:1

Toq rix k'o niya' pa qajik chike ri iwinaq, pa ronojel wuqu' juna' k'o chi nikuy ri man tzolin ta chiwe.

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

Deut 31:10

Y xch'on kik'in y kere' k'a ri xubij chike: Chi wuquteq juna', ri juna' toq nikuyutej ronojel ruwech k'as, chupan ri nimaq'ij richin ri taq jay ri banon rik'in ruq'a' taq che', jari' toq xtisik'ix re pixa' re' richin chi ri winaqi' kan tikak'axaj.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.

Santiago 4:5

Jak'a chupan ri ruch'abel ri Dios, nubij chi rija' janila yojrajo' roma ri ru-espíritu ri ruya'on qik'in.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Santiago 5:9

Wach'alal, man jun k'a tibij roma ri niban chiwe, richin keri' man k'ayew ta xtiban chiwe rix toq xtapon ri q'ij chi ri Dios xtuq'et-tzij. Roma chi'anin xtipe ri q'ij ri'.

1 Pedro 4:9

Kan rik'in k'a ronojel iwánima tik'ulula-iwi' pa taq iwachoch.