Deut 15:7 - Kaqchiquel Bible

⁷ Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;

Deut 15:7 ပူးပေါင်းရင်းမြစ်များ

Deut 15:9

Man tiya' q'ij chi nipe itzel taq ch'obonik iwik'in y nibij: Xa noqaqa yan ri juna' wuqu' toq nikuyutej ronojel k'as, yixcha-qa. Y roma ri' xa kan itzel chik k'a xtitz'et y man jun niya' chire. Man k'a tiben keri', roma rija' xa xtisujun-q'anej chuwech ri Jehová y rix kan xtiban chiwe chi kan ix aj-mak.

Wuj Richin Etamabel-Tzij 21:13

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.

San Mateo 18:30

Jak'a rija' man xqa' ta chuwech ri xbix chire, y roma ri' xbe pa q'atbel-tzij y xberuya' kan pa cárcel, k'a toq xtutoj na ri ruk'as.

San Mateo 5:42

Y wi k'o jun ri k'o nuk'utuj chiwe, kan tiya' k'a chire. Y wi k'o chuqa' nuk'utuj pa qajik chiwe, man tipoqonaj niya-el chire.

Ex 22:25

Toq niya' méro pa qajik chire jun iwinaq, ri kan man jun k'o rik'in, man tik'utuj ral chire.

Wuj Richin ri Chojmirisabelri'il 25:35

Wi k'o ta jun iwinaq nipe ta jun ruk'ayewal chirij, y napon ta iwik'in, kan tito'. Tibana' utzil chire richin xtik'ase' chi'inaqaj achi'el jun man iwinaq ta ri k'o chi'ikojol, o xa choj q'axel.

Deut 15:11

Chupan ri ruwach'ulew kan jantape' xkek'oje' ri winaqi' ri man jun k'o kik'in, y roma ri' yin ninbij chiwe richin kan ta xtijoyowaj kiwech y xke'ito' ri iwinaq ri k'o nik'atzin chike.

Deut 24:14

Man tikamisaj pa samaj ri samajel ri nisamej chi q'ij iwik'in, ni man tiyek-qa ri xuch'ek yan, stape' iwinaq o man iwinaq ta.

Wuj Richin ri Nehemías 5:1

Chupan k'a ri q'ij ri', ri achi'a' richin ri tinamit y ri kixjayilal xkiben jun nimalej ch'ojinik chikij ch'aqa' qawinaq.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin ri Isaías 58:10

Kan ke'iwilij ri maneq kiway, y ke'ito' ri e poqonatajineq. Wi xtiben ronojel re', kan xtel k'a utz itzijol, achi'el ri saqil ri napon pa q'equ'm, y ri q'equ'm ri' kan xtuben achi'el ri pa nik'aj-q'ij.

Ester 9:19

Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.