Deut 15:6 - Kaqchiquel Bible

⁶ Roma ri Jehová ri qa-Dios kan xtuya' urtisanik pan iwi', achi'el ri rusujun chiwe. Rix kan k'o k'a xtiya' pa qajik chike ri ch'aqa' chik ruwach'ulew; jak'a rix man jun tiqej chike rije'. Rix kan xtiq'et k'a tzij pa kiwi' e k'iy ruwach'ulew, jak'a rix kan man jun chik xtiq'aton-tzij pan iwi'.

Deut 15:6 ပူးပေါင်းရင်းမြစ်များ

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

Wuj Richin Etamabel-Tzij 22:7

Ja ri wineq beyom k'a ri niq'aton-tzij pa ruwi' ri wineq ri man jun ok k'o rik'in; y ri wineq ri nibanon qajo'n rik'in jun chik wineq, kan xtok k'a samajel richin ri nibanon ri qajo'n chire.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin Bix Chire ri Dios 37:21

Ri banoy etzelal k'o ri nuqej, y man nutzolij ta chik; jak'a ri choj ruk'aslen kan k'o joyowanik rik'in y nuya'.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

Wuj Richin ri Nehemías 9:27

Roma ri' xe'ajech pa kiq'a' ri e etzelanel kichin, richin xeya'ox pa tijoj-poqonal. Jak'a toq rije' xesik'in awik'in, rat kan k'a chila' chikaj xawak'axaj-pe ri raqoj-chi'ij ri'. Y roma k'a janila xajoyowaj kiwech, xe'ateq k'a pe koloy kichin, richin chi xekikol pa kiq'a' ri etzelanel kichin.

Wuj Richin Bix Chire ri Dios 112:5

Ri utzilej wineq k'o joyowanik rik'in y k'o nuya' pa qajik, ri wineq ri' nik'ayin y niloq'on pa ruchojmilal.

Wuj Richin Bix Chire ri Dios 37:26

Ri choj ruk'aslen jantape' k'o joyowanik rik'in, y nuya' ri niqaj chire. Y koma ri ralk'ual nikil urtisanik ch'aqa' chik winaqi'.

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

2 Crón 9:26

Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

Deut 28:44

Y rije' xtikiya' k'a iqajo'n jak'a rix man jun ri k'o ta iwik'in chi xtiya' pa qajik chike; kan ja rije' k'a ri e nabey y rix ri ruk'isibel.

Deut 15:5

wi kan jantape' ninimaj rutzij ri Jehová ri qa-Dios y nitaqej ronojel re pixa' re ninbij chiwe re q'ij re'.

1 Crón 17:27

Wakami k'a, xqa' chawech richin xaya' urtisanik pa nuwi' y pa kiwi' ri wijatzul richin chi kan xtik'oje' jantape' chawech. Kere' xtibanatej roma rat kan xaya' urtisanik, y re urtisanik re' kan richin q'asen, xcha' ri David.