Deut 15:23 - Kaqchiquel Bible

²³ Xaxe k'a man titej ri rukik'el ri ti chikop ri', xa kan titixa' pan ulew achi'el nitix ri ya'.

Deut 15:23 ပူးပေါင်းရင်းမြစ်များ

Deut 12:16

Jak'a ri kik' man titej, xa kan titixa-el pan ulew achi'el niben rik'in ri ya'.

Deut 12:23

Jak'a man titej ri kik' roma jari' ri kik'aslen ri chikopi'; roma ri' man titej ri ti'ij ri k'a ruk'uan na kik',

Wuj Richin ri Chojmirisabelri'il 7:26

Chuqa' man jun titijo o tiqumun kikik'el ri aj-xik' taq chikopi' y kikik'el konojel ri ch'aqa' chik chikopi'. Re' jun ruchojmilal xabakuchi ta ixk'o-wi.

Ez 33:25

Jak'a yin ninbij chi rije' nikitej ti'ij ri k'a ruk'uan na kik', nikiya' kiq'ij wachibel y yekamisan. Man rik'in ri' nikajo' richin nok kan kichin ri ruwach'ulew ri'.

1 Sam 14:32

Y roma ri' kan chi'anin xebe chirij ri k'o rejqalen ri kimajon-pe chuwi-kiq'a' ri aj-Filistea, y xekichop k'a ri karne'l y ri wákix. Xekikamisaj k'a y xekitej toq man jani tel-el ri kik'.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

Wuj Richin ri Rutikeribel 9:4

Y ja k'a ri ti'ij ri k'a k'o na kik' ruk'uan man titej, roma chiri' k'o-wi ri k'aslen.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 19:26

Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz.

1 Sam 14:33

Y re' xya'ox k'a rutzijol chire ri Saúl, chi ri aj-labal ye'ajin yemakun chuwech ri Jehová, roma nikitej ti'ij rik'in kik'. Y ri Saúl xubij chike chi kan janila xemakun. Y k'ari' xubij chike ri xeya'on rutzijol chire: Tisurij k'a pe jun abej nim re wawe'.

Deut 12:15

Jak'a man rik'in ri', kan utz k'a nikamisaj ri iwawej y nitej ri ti'ij chupan ri itinamit ri q'ij toq nirayij. Utz nitej ri xa janipe' nusipaj ri Jehová ri qa-Dios chiwe. Titija' k'a chi'iwonojel; ch'ajch'oj o man ch'ajch'oj ta, utz nitej achi'el ri kich'akul ri jalajoj kiwech masat.

Deut 12:24

xa kan titixa' k'a el pan ulew achi'el niben rik'in ri ya'.