Deut 15:11 - Kaqchiquel Bible

¹¹ Chupan ri ruwach'ulew kan jantape' xkek'oje' ri winaqi' ri man jun k'o kik'in, y roma ri' yin ninbij chiwe richin kan ta xtijoyowaj kiwech y xke'ito' ri iwinaq ri k'o nik'atzin chike.

Deut 15:11 ပူးပေါင်းရင်းမြစ်များ

Marcos 14:7

Roma ri winaqi' ri man jun k'o kik'in xa kan jantape' k'a ek'o chi'ikojol, y xabachike q'ij niwajo' ye'ito', kan tibana' k'a utzil chike. Jak'a yin man jantape' ta xkik'oje' iwik'in.

San Mateo 26:11

Ri winaqi' ri man jun k'o kik'in xa kan jantape' k'a ek'o chi'ikojol. Jak'a yin man jantape' ta xkik'oje' iwik'in.

San Juan 12:8

Roma ri winaqi' ri man jun k'o kik'in, kan jantape' k'a ek'o iwik'in. Jak'a yin man jantape' ta xkik'oje' iwik'in, xcha' rija'.

Deut 15:8

tijoyowaj ruwech y tiya' pa qajik chire ri nuk'utuj chiwe.

Wuj Richin Etamabel-Tzij 22:2

Ek'o winaqi' e beyoma' y ek'o chuqa' ri man jun ok k'o kik'in; jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.

San Lucas 12:33

Tik'ayila' k'a ri k'o iwik'in y tiyala' chike ri winaqi' ri man jun k'o kik'in. Wi keri' niben, xtik'oje' jun iyakonabal chila' chikaj ri man jun bey xtiq'ey, y xtik'oje' chuqa' ibeyomel ri man jun bey xtik'is. Chila' chikaj man jun eleq'om, ni man jun chuqa' jut ri nichikopirisan.

Hechos 2:45

Y richin yekitola' ri qach'alal ri k'o nik'atzin chike, yekik'ayila' ri kulew y ri achike ri k'o kik'in. Kan keri' k'a xkiben richin jantape'.

San Mateo 5:42

Y wi k'o jun ri k'o nuk'utuj chiwe, kan tiya' k'a chire. Y wi k'o chuqa' nuk'utuj pa qajik chiwe, man tipoqonaj niya-el chire.

Deut 15:7

Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;

Wuj Richin Etamabel-Tzij 31:20

Kan man nuchapapej ta ri ruméro pa ruq'a', xa kan nujeq richin yeruto' ri man jun k'o kik'in; y kan ja ri' nuyuq ri ruq'a' richin yeruto' ri nik'atzin kiway.

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Ex 23:11

Jak'a ri pa ruwuq juna' xtuxlan kan ri iwulew, richin chi ri iwinaq ri man jun ok k'o kik'in, chiri' ni pe wi ri kiway. Y ri k'a nik'oje' na kan jari' ri xtikitej ri juyubel taq chikopi'. Chuqa' keri' xtiben rik'in ri iwulew akuchi nitik-wi ri uva y ri olivo.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.