Deut 15:10 - Kaqchiquel Bible

¹⁰ Kan tiya' k'a ri nik'atzin chire rik'in ronojel ri iwánima, y man tiben k'ek'el rik'in. Roma re utzilej banobel re' ri Jehová ri qa-Dios xtuya' urtisanik pan iwi' rik'in ronojel ri ye'iben.

Deut 15:10 ပူးပေါင်းရင်းမြစ်များ

Wuj Richin Etamabel-Tzij 22:9

Ri wineq ri kan yeruto' ri k'o nik'atzin chike, kan xtuk'ul-wi urtisanik, roma rija' kan man nupoqonaj ta chi kan ja ri ruway rija' ri nuya' chike.

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

Wuj Richin ri Isaías 58:10

Kan ke'iwilij ri maneq kiway, y ke'ito' ri e poqonatajineq. Wi xtiben ronojel re', kan xtel k'a utz itzijol, achi'el ri saqil ri napon pa q'equ'm, y ri q'equ'm ri' kan xtuben achi'el ri pa nik'aj-q'ij.

Deut 14:29

richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Deut 24:19

Toq xtapon ri q'ij richin q'atoj trigo chupan ri iwulew, wi rix nimestaj kan jun q'etaj trigo, man kixtzolin chik richin nibek'ama-pe. Re' xa kan tik'oje' kan richin nikik'uaj ri man e iwinaq ta ri ek'o chi'ikojol o jun meba' o jun malka'n, richin keri' ri Jehová ri qa-Dios kan xtuya' urtisanik pa ruwi' ronojel ri xtiben.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

Hechos 20:35

Yin kan xink'ut k'a chiwech chi nik'atzin chi yixsamej richin nich'ek iméro richin chi rik'in ri' ye'itobej ri nik'atzin kito'ik. Toqaqa k'a chi'ik'u'x ri rubin kan ri ajaw Jesús chi más nikikot ránima ri wineq ri nisipan ke chuwech ri nik'ulun jun sipanik, xcha'.

Deut 15:4

Ri Jehová kan pa ruk'iyal k'a ri urtisanik ri xtuya' pan iwi' chupan ri ruwach'ulew ri xtuya' chiwe richin niwichinaj. Man jun wineq ri xtik'oje' chi'ikojol rix ri man jun k'o ta rik'in

1 Pedro 4:11

Wi kan banon pe chawe roma ri Dios richin natzijoj ri ruch'abel, kan tatzijoj k'a ri ruch'abel. Y wi jun chik ruwech samaj ruya'on-pe chawe kan tabana' k'a rik'in ri uchuq'a' ri nuya' rija' chawe. Y roma ronojel re' xtuk'ul ta ruq'ij-ruk'ojlen ri Dios pa rubi' ri Jesucristo, rajaw ronojel ruwaq'ijaj y uchuq'a' richin jantape'. Kan keri' k'a.

Romanos 12:8

Wi yojtikir niqakuquba' kik'u'x ri ch'aqa' chik, tiqabana'. Wi yojtikir yeqato' rik'in ri qaméro, keqato' rik'in ronojel qánima. Wi ja roj ri yojuk'uan kichin, kan tiqatija' qaq'ij chi utz kik'uaxik niqaben. Wi kan yojtikir yeqato', kan keqato' k'a rik'in kikoten.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

Deut 14:19

Ri jalajoj kiwech taq chikopi' ri ek'o taq kixik' y ri ek'o k'iy taq kaqen, man e ch'ajch'oj ta, y roma ri' man utz ta richin ye'itej.

Deut 23:20

Jak'a chire ri man iwinaq ta ruk'amon chi nik'utuj ri ral ri ruqajo'n, y chire ri iwinaq man tik'utuj, richin keri' ri Jehová ri qa-Dios kan xtuya' urtisanik pan iwi' rik'in ronojel, chupan ri ruwach'ulew ri xtiwichinaj kan.

Deut 28:8

Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

Wuj Richin ri Molojri'il 11:1

Kan utz k'a ana'oj tabana' kik'in konojel, roma kan xtapon k'a jun q'ij kan k'o rajel ruk'exel xtak'ul.

Deut 15:18

Man itzel tina' toq nitotej jun isamajel ri yuqul pa samaj iwik'in, roma waqi' juna' xixrilij, y xaxe xiya' ri nik'aj chire ri rajel ri nuch'ek jun samajel ri nisamej chi q'ij. Wi xtiben keri' ri Jehová ri qa-Dios xtuya' urtisanik pan iwi'.