Deut 14:29 - Kaqchiquel Bible

²⁹ richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Deut 14:29 ပူးပေါင်းရင်းမြစ်များ

Deut 15:10

Kan tiya' k'a ri nik'atzin chire rik'in ronojel ri iwánima, y man tiben k'ek'el rik'in. Roma re utzilej banobel re' ri Jehová ri qa-Dios xtuya' urtisanik pan iwi' rik'in ronojel ri ye'iben.

Deut 14:27

Man ke'imalij kan ri levita ri ek'o pan itinamit, roma rije' man xke'ichinan ta, achi'el ri xtiwichinaj kan rix.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Wuj Richin Etamabel-Tzij 11:24

Ri winaqi' ri man nikik'ek'ej ta yesipan, kan jantape' k'iy k'o kik'in, y ri xa kan nikipoqonaj nikisipaj ri k'o kik'in, jantape' man jun k'o kik'in.

Wuj Richin Bix Chire ri Dios 41:1

Jebel ruwa-ruq'ij ri wineq ri yeruto' ri ek'o pa meba'il. Toq xtipe ri q'ij richin ruk'ayewal, kan xtito'ox roma ri Jehová.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Wuj Richin ri Chojmirisabelri'il 19:34

Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

Hebreos 13:2

Toq ek'o ye'apon chi'iwachoch, man k'a tipoqonaj ye'ik'ul. Roma banatajineq chi roma ri samaj ri' ek'o ángel ri e apowineq pa taq jay, y ri xek'ulun kichin man xkinabej ta.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

Wuj Richin ri Q'axanri'il 18:20

Y ri Jehová xubij chuqa' chire ri Aarón: Rix man xtiwichinaj ta k'a ulew, kan man xkixichinan ta k'a junan kik'in ri iwinaq. Roma chikikojol rije', rix kan ja yin ri xkiniwichinaj.

Deut 6:11

Xujikiba' chuqa' chi ri iwachoch nojineq rik'in beyomel ri man rix ta ix samajiyon, y ek'o pozo ri man rix ta ix k'otoyon, ek'o uva y olivo ri man rix ta ix tikiyon. Toq jebel chik ix wayneq

Deut 10:9

Roma ri' ri e levita maneq ulew richin tiko'n xkichinaj chikikojol ri kach'alal, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Wuj Richin Bix Chire ri Dios 94:6

Kan yekikamisaj k'a ri malkani' y ri winaqi' man e qawinaq ta. Yekikamisaj k'a chuqa' ri meba'i' roma kan man yetikir ta nikito-ki'.

Wuj Richin ri Isaías 1:17

Tiwetamaj niben ri utz. Kan titija' iq'ij richin nikanoj ri ruchojmilal. Kan ke'ito' ri yetz'ilox. Kan tibana' pa ruchojmilal kik'in ri meba'i'. Y kan ke'ito' ri malkani' toq ek'o chuwech ri q'atbel-tzij.

Deut 23:21

Toq k'o jun nisuj chire ri Jehová ri qa-Dios richin niya' chire, xa kan tiya' chire chi'anin, roma rija' kan xtuk'utuj chiwe y kan xkixmakun chuwech, wi man xtiben ta ri isujun chire.

Deut 28:8

Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

Wuj Richin Bix Chire ri Dios 41:2

Ja ri Jehová ri xtichajin richin, xtuya' ruk'aslen. Kan xtuya' urtisanik y kikoten chire. Y kan man xtijach ta k'a pa ruq'a' ri etzelanel richin.