Deut 14:21 - Kaqchiquel Bible

²¹ Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Deut 14:21 ပူးပေါင်းရင်းမြစ်များ

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 34:26

Xtik'uaj k'a chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Wuj Richin ri Chojmirisabelri'il 17:15

Keri' chuqa' ri iwinaq o man iwinaq ta, wi k'o xtitijo ri ruch'akul jun chikop ri xken ruyon o xwech' koma ch'aqa' chik chikopi', ri wineq ri' k'o chi natin y nuch'ej rutziaq, y kan xtok man ch'ajch'oj ta chi jun q'ij k'a toq nok-pe ri aq'a'.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

1 Pedro 1:16

Kan tibana' k'a achi'el ri nubij ri ruch'abel ri Dios ri tz'ibatel kan,*f1* chi kan kixok loq'olej roma ri Dios kan loq'olej-wi.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 8:24

Kan janila k'a ruchuq'a' xtik'oje', jak'a xa man ruchuq'a' ta rija'. Y rija' xtuben k'a chi xtipe wululen pa kiwi' ri winaqi'. Ronojel ri xkeruben, kan utz k'a xtel chuwech; xkeruk'is k'a konojel achi'a' israelita ri k'o kiq'ij, y chuqa' e k'iy kiwinaq.

Ex 19:6

Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

Wuj Richin ri Chojmirisabelri'il 11:40

Ri nitijo ri ruch'akul ri chikop ri', k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa. Y ri nelesan-el ri ruch'akul ri chikop ri' chuqa' k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Deut 14:20

Jak'a ronojel ri jalajoj kiwech aj-xik' taq chikopi', ri kan e ch'ajch'oj, kan ke'itija'.

Ez 44:31

Jak'a ri sacerdote man tikitej man jun ruwech aj-xik' chikop o chikop ri ruyon xken o chikop ri xwech' ta kan roma jun k'uxunel chikop.

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.