Deut 13:6 - Kaqchiquel Bible

⁶ Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Deut 13:6 ပူးပေါင်းရင်းမြစ်များ

Wuj Richin ri Rutikeribel 16:5

K'ari' ri Sarai xubij chire ri rachijil: Pan awi' rat tiqaqa-wi ronojel ri k'ix ri nink'owisaj yin. Ja yin ri xiya'on ri xten ri nusamajel chawe, richin xok awixjayil, xa jak'a rija' toq xunabej chi yawa' chik, xuchop janila yiretzelaj. Y ja ri Jehová tiq'aton-tzij pa qawi', rat Abram y yin, xcha' ri Sarai chire.

2 Sam 1:26

Yin yibison janila awoma rat Jonatán, roma rat kan at achi'el jun wach'alal. Kan janila k'a at jebel xaben wik'in; janila jebel ri awajowabal ri xak'ut chinuwech yin; kan más k'a jebel chuwech ri kajowabal ri ixoqi'.

1 Rey 18:40

K'ari' ri Elías xubij chike: Ke'ichapa' ri achi'a' ri yesamajin kichin ri Baal, y man jun chike rije' tanimej chiwech. Y ri winaqi' xekichop k'a ri achi'a' ri', y xkitzeqelibej ri Elías k'a chuchi' ri ch'uti'n raqen-ya' Quisón, y chiri' xuqupij ri kiqul y xeken.

2 Rey 11:18

K'ari' konojel ri winaqi' xe'ok-apo chupan ri rachoch ri Baal, y xkiwulaj-el. Keri' chuqa' xkiwulaj-el jumul ri porobel y ri wachibel. Y xkikamisaj ri Matán sacerdote richin ri Baal chuwech-pe ri porobel. Y ri Joiadá xeruya' chajinela' chupan ri rachoch ri Jehová.

2 Crón 15:13

Y chuqa' xkijikiba' chi wi k'o ta jun ri man xtukanoj ta ri Jehová ri ki-Dios kan xtikamisex, stape' k'o ruq'ij o maneq ruq'ij, chi achin chi ixoq.

2 Crón 23:17

Chirij ri', konojel xebe pa rachoch ri Baal, xkiwulaj k'a kan ri jay ri' y xkiwulaj kan ri porobel y ri wachibel ri ek'o chiri'. Keri' chuqa' xkiqupij kan ruqul ri Matán ri nisamajin richin ri Baal, chiri' chuwech ri porobel.

Wuj Richin ri Achin Job 31:27

yin kan man xinben ta k'a achi'el nikiben ri ch'aqa' chik winaqi' ri pan ewel, y man xintz'ubaj ta ri nuq'a', richin jari' ri ninteq-q'anej chike ri q'ij y ri ik'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 32:27

Chirij k'a ri', ri Moisés xubij chike ri e rijatzul kan ri Leví: Kere' nubij ri Jehová ri qa-Dios roj ri oj rijatzul kan ri Israel: Chi'ijujunal rix tichapa-el ri i-espada, kixbiyin y kixok-apo re akuchi ojk'o-wi-qa re wakami. Y kebe'ikamisaj ri winaqi' ri xemakun, stape' iwach'alal, iwachpochel o iwachk'uljay, xcha' ri Moisés chike.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

Wuj Richin Etamabel-Tzij 5:20

Rat walk'ual xa maneq achike roma chi yaqaqa pa ruq'a' jun k'ulan ixoq ri yerukanola' achi'a', maneq achike roma chi xa xerupan rixjayil jun chik achin ri naq'etej.

Wuj Richin ri Jeremías 28:15

K'ari' ri Jeremías xubij chire ri Hananías: Tawak'axaj k'a. Ri Jehová man at rutaqon ta pe, rat xaben chike ri winaqi' richin ri tinamit richin xkikuquba' kik'u'x rik'in ri ach'abel ri xa man qitzij ta.

Wuj Richin ri Jeremías 28:16

Roma ri', ri Jehová nubij chi rija' xkarelesaj k'a el chuwech re ruwach'ulew. Chupan re juna' re' xkaken, roma rik'in ri ach'abel xe'ataqchi'ij ri winaqi' richin xeyakatej chirij ri Dios, xicha' chire.

Wuj Richin ri Jeremías 44:3

roma ri imak ri xiben richin xiyek woyowal. Roma kan xixbe richin xibesuju' pom y niyala' kiq'ij ch'aqa' chik dios ri xa man iwetaman ta kiwech, ni rix ni ri iwati't-imama'.

Wuj Richin ri Zacarías 13:3

Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

Gálatas 2:4

Man rik'in ri', chikikojol ri qach'alal ek'o ri xa man e qitzij ta qach'alal. Y rije' kan xkajo' chi xban ta ri etal ri'. Rije' kiju'un-apo-ki' xaxe richin nikinachaj ri solberi'il richin ri k'aslen rik'in ri Cristo Jesús, roma rije' kan nikajo' chi k'a yojxime' na chuxe' ronojel ri nubij ri pixa'.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Deut 13:2

y kan yebanatej k'a ri nima'q taq banobel ri' y k'ari' nubij ta chiwe: Jo' keqatzeqelibej ri ch'aqa' chik dios ri xa man jun bey e iwak'axan y qojxuke' chikiwech y tiqaya' kiq'ij xticha' ta chiwe,

Deut 13:7

Achi'el ri ki-dios ri winaqi' ri ek'o nej-naqaj chiwe rix, ri nitiker-pe pa jun k'ulba't y napon k'a pa jun chik ruk'ulba't ri iruwach'ulew.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

Deut 18:20

Jak'a wi k'o jun niyakatej-pe y nuben chi nuq'alajirisaj ri nuch'abel y nubij ch'abel ri xa man nubin ta yin chire, o wi nich'on pa kibi' ch'aqa' chik dios, re wineq re' kan nikamisex, xcha' ri Jehová chuwe.

Deut 19:19

jari' k'a niban chire achi'el ri xrajo' xban chire ri rachpochel, richin keri' nik'is ri man utz ta chi'ikojol rix.

Deut 21:21

Jari' toq ri winaqi' richin ri tinamit nikikamisaj chi abej ri alk'ualaxel ri' y keri' nik'is-el ri etzelal ri k'o pan iruwach'ulew. Y toq xtikak'axaj k'a konojel ri qawinaq, xtikik'en rukiy.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Deut 24:7

Wi jun wineq nilitej chi releq'an-el jun ruwinaq richin nibe'ok rusamajel o richin nuk'ayij-el, ri nibanon keri' kan xtikamisex, richin nik'is-el ri etzelal chi'ikojol rix.

Deut 28:54

Stape' ta jun achin ri janila jebel-runa'oj ri k'o chi'ikojol, kan xtutej jun chike ri ralk'ual, roma man jun chik ri k'o rik'in richin nutej, roma kan janila nim ri ruk'ayewal ri xtipe pan iwi' rokik sutin-rij ri itinamit koma ri etzelanel iwichin. Ri jun achin kan xkerixowaj ri rach'alal, ri rixjayil y ri e ralk'ual ri k'a ek'o na kan rik'in, xaxe richin man nuya' ta chike juba' ri ruch'akul ri ralk'ual.

Deut 29:18

Wakami k'a man jun tuch'er kan ri' y numestaj ta kan ri Jehová ri qa-Dios, ni ta achi'a', ni ta ixoqi', ni ta ri alk'ualaxela' y ni ta ri iy-mam y ri ach'alalri'il ri richin ri tinamit, richin ye'isamajij y niya' kiq'ij ch'aqa' chik dios kichin ri winaqi' ri e richin ri ruwach'ulew ri'; roma wi k'o jun nibanon keri' chi'ikojol xa kan nok k'a achi'el ruxe' che' ri k'ey-k'ey y nikamisan.

Deut 8:14

man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

Colosenses 2:4

Y ronojel re' ninbij chiwe roma yin ninwajo' chi man yixq'olotej pa kiq'a' ri ye'ukusan jebel taq ch'abel xaxe richin yixkitzeq.

Wuj Richin ri Josúe 7:13

Kayakatej k'a, y tabij chire ri atinamit: Tich'ajch'ojirisaj k'a ri ik'aslen, richin chua'q ix ch'ajch'oj chik, roma ri Jehová ri qa-Dios kere' nubij. Pa inik'ajal rix Israel k'o-wi ri mak. Man xkixtikir ta xtipaba-iwi' chikiwech ri e etzelanel iwichin, k'a toq xiwelesaj yan chi'ikojol ri nubin chi nik'is jumul.

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 20:3

K'ari' xberuk'aqa' kan chupan ri nimalej siwan ri ruyon q'equ'm rupan, xutz'apej kan rik'in ri llave y xuya' kan jun retal ri chiri' pan okibel richin chi man jun nijaqon, richin chi man chik keruq'ol ri winaqi' k'a toq nitz'aqet 1,000 juna'. Chirij ri, xtibejaq-pe y xtitzolin chik chikiq'olik ri winaqi', jak'a xaxe chik richin juba' q'ij.

Wuj Kichin ri To'onela' 10:6

Jak'a ri israelita xa xkichop chik rubanik itzel taq banobel chuwech ri Jehová, y xekisamajij ri dios Baal y ri Astarté, y chuqa' ri ki-dios ri aj-Siria, ri aj-Sidón, ri aj-Moab, ri aj-Amón y ri aj-Filistea. Rije' xa xkimalij kan ri Jehová y man xkisamajij ta chik.

Wuj Kichin ri To'onela' 2:13

Xkimalij k'a kan ri Jehová, y xkiya' ruq'ij ri Baal y ri dios ixoq rubini'an Astarot.

Wuj Kichin ri To'onela' 20:13

Wakami k'a tiya' q'ij chiqe chi yeqachop ri itzel taq achi'a' ri ek'o chiri' pa Guibeá, richin yeqakamisaj, y keri' nich'ajch'ojir ri qatinamit Israel chire re mak re', xecha'. Jak'a ri aj-Benjamín man xkajo' ta xkak'axaj ri kich'abel ri kach'alal.

Wuj Kichin ri To'onela' 5:8

Toq ri nuwinaq xekicha' ch'aqa' chik dios, jari' toq ri labal xoqaqa qik'in, y chuqa' kan man jun tobel ni ta kamisabel ri k'o ta pa kiq'a' ri nuwinaq, pa kiq'a' ri e 40,000 achi'a' ri ek'o chiqakojol.

1 Sam 18:1

Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.

1 Sam 18:3

Ri Jonatán xujikiba' k'a rutzij chuwech ri David, roma kan janila nrajo'.

1 Sam 20:17

K'ari' ri Jonatán xuya' chik jun bey rutzij chuwech ri David, roma kan janila nrajo', achi'el nrajo-qa-ri' rija'.