Deut 12:9 - Kaqchiquel Bible

⁹ Roma wakami man jani kixapon chupan ri ruwach'ulew richin uxlanenri'il, akuchi xtiberuya-wi ri Jehová ri qa-Dios chiwe richin xtiwichinaj.

Deut 12:9 ပူးပေါင်းရင်းမြစ်များ

1 Rey 8:56

¡Nimalej ruq'ij-ruk'ojlen ri Jehová roma ruya'on chik uxlanibel-k'u'x chiqe roj ri oj rutinamit, achi'el ri rusujun kan rija'! Kan man jun k'a ch'abel chire ronojel ri rusujun kan chire ri rutinamit ri man ta banatajineq; ronojel ri xubij chire ri Moisés ri rusamajel, kan xbanatej-wi.

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

Deut 25:19

Roma ri' toq ri Jehová ri qa-Dios xtuya' uxlanen chiwe pa kiq'a' ri e etzelanel qichin ri ek'o chupan ri ruwach'ulew ri xtuya' chiwe richin xtiwichinaj kan, jari' toq xtiyoj jumul ri rubi' ri Amalec chuwech ri ruwach'ulew. Man k'a timestaj chi k'o chi keri' niben.

Wuj Richin ri Miqueas 2:10

Kixyakatej k'a y tichapa' bey roma rix man xtiwil ta chik uxlanibel-k'u'x chuwech re ruwach'ulew. Iwoma rix re ruwach'ulew re' man ch'ajch'oj ta chik, y roma ri' xtiwulex kan.

1 Crón 23:25

Ri David rubin k'a: Ri Jehová ri qa-Dios roj ri oj aj-Israel xuya' yan uxlanibel-k'u'x chiqe, y rija' kan xtik'oje' chiri' pa Jerusalem richin q'asen.

Deut 3:20

Ke'ito' k'a ri qawinaq israelita, k'a toq xtikichinaj na kan ri ruwach'ulew ri xtuya' ri Jehová chike re k'o pe juk'an chire ri raqen-ya' Jordán. Toq ri Jehová xtuya' uxlanen chike achi'el ri xuya' yan chiwe rix, k'ari' xkixtzolej chik pe chupan re ruwach'ulew ri xinya' yan chiwe chi'ijujunal.

Deut 4:21

Ri Jehová kan xyakatej k'a royowal chuwij yin iwoma rix, y xujikiba' rutzij chi yin man xkiq'ax ta apo juk'an chire ri raqen-ya' Jordán, ni man xkinok ta apo chupan ri utzilej ruwach'ulew ri rusujun ri Jehová Dios chiwe richin chi niwichinaj kan rix.

Deut 12:8

Kan man tiben k'a chiri' achi'el re niqaben re wawe' roj, re akuchi chiqajujunal niqaben ri achike ri niqa' chiqawech.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Wuj Richin ri Jeremías 31:2

Ri Jehová nubij: Toq ri tinamit Israel beneq chukanoxik uxlanenri'il, ri xekolotej kan chuwech ri espada xkil uxlanenri'il pa tz'iran ruwach'ulew.