Deut 12:7 - Kaqchiquel Bible

⁷ Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Deut 12:7 ပူးပေါင်းရင်းမြစ်များ

1 Crón 29:22

Chupan k'a ri q'ij ri', jebel k'a xewa-xe'uk'ya' rik'in janila kikoten chuwech ri Dios. Chirij ronojel re' xkiqasaj aceite pa ruwi' ri Salomón richin xok kan rey pa ruka'n mul. Chuqa' xkiqasaj aceite pa ruwi' ri Sadoc richin jun retal chi ja rija' nimalej sacerdote.

Wuj Richin ri Nehemías 8:9

Konojel k'a ri winaqi' toq xkak'axaj ri nubij ri pixa' janila k'a xe'oq'. Yin Nehemías, ri sacerdote Esdras y ri e levita ri yojq'axan chikiwech ri winaqi', xqabij k'a chike: Man jun k'a chiwe rix tibison, ni man jun toq', roma re q'ij re' kan ch'aron-wi chire ri Jehová ri qa-Dios, xojcha'.

Wuj Richin ri Molojri'il 3:12

Yin kan xq'ax k'a chinuwech chi ri más jebel chire ri wineq ja ri nikikot chubanik ri utz chupan ri ruk'aslen;

Wuj Richin ri Molojri'il 3:13

y chuqa' xq'ax chinuwech chi ri rurayibel ri Dios chire ri wineq ja ri niwa-nuk'ya' y kan tikikot chutijik ri nuk'en-pe ri rusamaj ri rubanon.

Wuj Richin ri Molojri'il 5:18

Ri nutz'eton-pe ri nibanatej chi ri más jebel chire ri wineq ja ri nutej, nuqum y kan nikikot ránima rik'in ri xuch'ek. Y kan keri' nuben ri janipe' q'ij ruk'aslen ri nuya' ri Dios chire; roma kan jare' ri richin rija'.

Wuj Richin ri Isaías 23:18

Jak'a ronojel ri xtikich'ek chirij ri kik'ayij, xtikijech-apo chire ri Jehová. Man xtikiyek ta qa chupan ri kiyakonabal. Xa kan xtitalux k'a chike konojel ri yesamajin richin ri Jehová, richin xtikiloq' pa ruk'iyal ri kiway y jebelej taq tzieq.

Wuj Richin ri Isaías 62:9

Jak'a kan ja ri xketikon-qa ri trigo, jari' ri xketijo, y kan xtikiya' ruq'ij ri Jehová. Chuqa' ja ri xketikon-qa ri uva, ja rije' ri xkequmun ri vino chiri' chuwa-jay chire ri rachoch ri Dios.

Ez 44:3

Xa kan xaxe ri q'atoy-tzij ri xtok-apo chiri', richin chi niberutija-pe ri xtisuj chuwe. Y toq xtok-apo pa wachoch, rija' k'o chi nok-apo chupan ri okibel ri'. Y chuqa' toq xtel-pe, k'o chi nel-pe ri chiri', xcha'.

Joel 1:16

Roma kan xqatz'et rik'in runaq' taq qawech toq xelesex ri qaway. Ronojel ri kikoten ri k'o chupan ri rachoch ri qa-Dios kan xk'is.

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.

Wuj Richin ri Chojmirisabelri'il 23:40

Ri nabey q'ij richin ri nimaq'ij ri' xtik'uaj ruq'a' taq che' ri ek'o ruwech, y chuqa' xtik'uaj ruq'a' palma, ruq'a' ri che' ri k'o kixaq, y ri ruq'a' ri skab ri nik'oje' chuchi' raqen-ya'. Y xkixnimaq'ijun k'a wuqu' q'ij chinuwech yin.

Wuj Richin ri Malaquías 2:13

Y man xaxe ta ri', xa kan nimuba' ri ruporobal ri Dios rik'in ri ruya'al runaq' taq iwech. Y yixoq' roma ri Dios man nuk'awomaj ta ri isipanik.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:8

Kan man tiben k'a chiri' achi'el re niqaben re wawe' roj, re akuchi chiqajujunal niqaben ri achike ri niqa' chiqawech.

Deut 14:23

Ri jun lajuj chire ri jalajoj ruwech ixin, ri vino, ri aceite, ri nabey taq kal ri iwákix y ri ikarne'l; kan xkixwa-xkixuk'ya' k'a chuwech ri Jehová ri qa-Dios chunaqaj ri rachoch ri chiri' ri akuchi rucha'on-wi rija', richin chi chiri' ninatex-wi ri rubi', richin chi niwetamaj ninimirisaj ruq'ij ri Jehová ri qa-Dios ronojel q'ij chire ri ik'aslen.

Deut 14:26

Rik'in ri pueq ri' nibeloq'o' ri achike xturayij ri iwánima, wi wákix, karne'l, juba' vino, o juba' ruya'al manzana ch'amirisan o xabachike chike ri nirayij; kan xkixwa-xkixuk'ya' chuwech ri Jehová ri qa-Dios, y kan xkixkikot k'a rix y ri e aj pan iwachoch.

Deut 15:20

Re taq chikopi' re' jare' ri ye'itej ronojel juna', junan xke'itej rix y ri e aj pan iwachoch, chuwech ri Jehová ri qa-Dios chiri' ri akuchi rucha'on-wi rija'.

Deut 26:11

Y xkixkikot k'a roma ronojel ri utzil ri xtuya' ri Jehová ri qa-Dios chiwe rix y ri e aj pan iwachoch. Keri' chuqa' xkenimaq'ijun iwik'in, ri levita y ri man e iwinaq ta ri ek'o chi'ikojol.

Deut 27:7

Pa ruwi' ri' xtisuj-wi sipanik richin nuq'alajirisaj chi junan iwech rik'in ri Jehová, y chuwech rija' xkixwa' y xkixnimaq'ijun.

Deut 28:47

Roma man xisamajij ta ri Jehová ri qa-Dios rik'in ronojel iwánima y rik'in kikoten, toq rija' janila k'iy beyomel ri xuya' chiwe,

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.