Deut 12:5 - Kaqchiquel Bible

⁵ Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Deut 12:5 ပူးပေါင်းရင်းမြစ်များ

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 26:2

Jari' k'a xtik'uaj ri nabey ruwech ronojel ri itiko'n ri xtiben-qa chuwech ri ruwach'ulew y niya-el chupan jun chakech. Y yixbe ri akuchi k'o-wi ri rachoch ri Jehová richin xtinatex ri rubi' chiri'.

2 Crón 7:12

Jari' k'a toq ri Jehová xuk'ut-ri' chuwech ri Salomón pa jun chaq'a', y xubij chire: Yin xinwak'axaj ri ak'utunik y xincha' re wachoch re', re akuchi xtisuj-wi kamelabel chinuwech yin.

Deut 16:2

Chupan k'a ri nimaq'ij ri', xtikamisaj k'a wákix y karne'l richin nitej chiri' akuchi rucha'on-wi ri Jehová richin niya' ruq'ij.

1 Rey 8:29

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

Deut 12:13

Tichajij-iwi' richin man ye'iporoj chikopi' chuwech ri Jehová xabakuchi;

Colosenses 2:9

Ronojel ri rubanikil ri Dios, rik'in ri Cristo nilitej-wi.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

1 Rey 8:20

Ri Jehová kan xutaqej-wi k'a re ruch'abel, y roma ri' wakami ja yin ri in yakatajineq-q'anej pa ruk'exel ri David ri nata', y ink'o kan chupan ri rutz'uyubal richin ninq'et-tzij pa ruwi' ri tinamit Israel. Y chuqa' wakami yin kan xinpaba' k'a q'anej ri rachoch ri Jehová ri qa-Dios richin niya'ox ruq'ij, achi'el ri xubij chire ri nata'.

1 Rey 8:16

Toq yin xenwelesaj-pe pan Egipto ri nutinamit Israel, kan k'a chupan k'a pe ri q'ij ri' y k'a re wakami, kan man jun k'a tinamit ri nucha'on ta chupan ri tzobaj ri akuchi ta nipabex-wi-q'anej jun wachoch richin niya'ox nuq'ij re wawe' pa ruwach'ulew Israel, xaxe k'a rat David ri xatincha', richin chi ja rat yayuqen richin ri nutinamit, xcha' ri Dios chire ri nata'.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.

1 Crón 22:1

Y roma ri' ri David xubij: Wawe' k'a xtibek'oje-wi ri rachoch ri Jehová Dios, y wawe' xkeporox-wi chikopi' pa ruwi' ri porobel richin ri qatinamit Israel, xcha'.

1 Rey 14:21

Jak'a chupan ri tinamit Jerusalem ri cha'on kan roma ri Dios chikikojol ri tzobaj richin ri Israel richin chi chiri' niya'ox-wi ruq'ij rija', chupan ri tinamit ri', ja ri Roboam ri ruk'ajol kan ri Salomón jari' ri rey. Toq xok kan rey pa ruwi' ri ruwach'ulew Judá k'o k'a kawineq jun rujuna', y xq'aton k'a tzij wuqlajuj juna'. Ri rute' rija' rubini'an Naamá aj-Amón.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Ex 25:22

Y chiri' k'a pa ruwi' ri tz'apebel, chiri' chikikojol ri e ka'i' querubín, chiri' xtink'ut-pe-wi' chawech. Ja ri chiri' ri xtiqak'ul-wi-qi' richin xtinbij ri k'atzinel richin nikiben ri awinaq.

Wuj Richin ri Josúe 9:27

Chupan ri q'ij ri' xuben chike chi ri kisamaj rije' ja ri banoj si' y eran-ya' kichin ri winaqi' israelita y chuqa' xtikiben ri xtik'atzin chupan ri rachoch ri Jehová, xabakuchi ta k'a xtubij ri Jehová ri akuchi xtik'oje-wi ri rachoch. Y ri winaqi' ri' kan ja kisamaj ri' k'a re wakami.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Deut 12:4

Jak'a ri Jehová ri qa-Dios man jun bey tiya'ox ruq'ij rik'in ronojel re' achi'el nikiben rije'.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 14:23

Ri jun lajuj chire ri jalajoj ruwech ixin, ri vino, ri aceite, ri nabey taq kal ri iwákix y ri ikarne'l; kan xkixwa-xkixuk'ya' k'a chuwech ri Jehová ri qa-Dios chunaqaj ri rachoch ri chiri' ri akuchi rucha'on-wi rija', richin chi chiri' ninatex-wi ri rubi', richin chi niwetamaj ninimirisaj ruq'ij ri Jehová ri qa-Dios ronojel q'ij chire ri ik'aslen.

Deut 14:24

Wi ri akuchi rucha'on-wi ri Jehová ri qa-Dios, kan janila nej k'o chiwe rix richin nik'uaj ri jun chire ri lajuj ri rusipan chik ri Dios chiwe,

Deut 15:20

Re taq chikopi' re' jare' ri ye'itej ronojel juna', junan xke'itej rix y ri e aj pan iwachoch, chuwech ri Jehová ri qa-Dios chiri' ri akuchi rucha'on-wi rija'.

Deut 16:6

xa kan xaxe ri akuchi rucha'on-wi ri Jehová ri qa-Dios, richin niya' ruq'ij-ruk'ojlen. Chiri' k'o chi nikamisaj ri chikop ri' toq niqaq'ij-qa, roma jari' toq xojel-pe pan Egipto.

Deut 17:8

Wi k'o k'a jujun banobel ri janila k'ayew nuben chiwech toq niq'et-tzij, achi'el pa ruwi' jun kamik, oyowal, sokotajik o xabachike ta ri nibanatej chupan ri tinamit, kan jari' k'a kixbiyin pa rachoch ri Jehová ri qa-Dios.

Wuj Richin ri Josúe 22:11

Y ri ch'aqa' chik israelita ri ek'o pa qajbel-q'ij chire ri raqen-ya' Jordán xkinabej ri yetajin chubanik ri tzobaj ri'.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Wuj Richin ri Esdras 6:12

Y ri ki-Dios ri nikiya' ruq'ij; kan xtrelesaj kik'aslen xabachike wineq, stape' jun rey, y kan xtuk'is ri tinamit wi xtuyoj ri rachoch ri Dios ri k'o chiri' pa Jerusalem. Keri' chuqa' xtiban kik'in ri winaqi' ri xtiya'on ruwi' ri pixa'. Yin ri Darío, xiya'on re pixa' re'. Kan tiban chi'anin ronojel re', xcha-el.

Wuj Richin ri Esdras 7:17

Y rik'in re méro re' tiloq'o' k'a nima-alaji' achija' taq wákix, achija' taq karne'l, alaji' taq karne'l, sipanik richin jalajoj ruwech ixin y sipanik richin vino. Y ronojel re' kan xtisuj pa ruwi' ri porobel chiri' pa rachoch ri i-Dios ri k'o pa Jerusalem.

Wuj Richin ri Jeremías 7:14

Roma ri' achi'el xink'is ri tinamit Siló, keri' xtinbenk'isa' ri wachoch ri kan ch'aron chuwe yin ri k'o wawe', stape' kan xinya' chiwe rix y chike ri iwati't-imama' y ri achoq ik'in ikuquban-wi ik'u'x rix.

Wuj Richin ri Jeremías 26:2

Kapa'e' k'a chiri' chuwa-jay chire ri wachoch y tabij ronojel ri xtinbij chawe chike ri awinaq ri yepe richin nokiya' nuq'ij chupan ri wachoch. Kan ronojel k'a ch'abel ri xtinbij yin chawe, xtabij y kan man jun achike ri xtawewaj.

Deut 16:7

Ri ti'ij ri' xtisa' y nitej ri akuchi rucha'on-wi ri Jehová ri qa-Dios, y ri jun chik q'ij jari' yixtzolin pa taq iwachoch.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 16:15

Wuqu' k'a q'ij xkixnimaq'ijun richin niya' ruq'ij-ruk'ojlen ri Jehová ri qa-Dios chiri' akuchi rucha'on-wi rija', roma kan xtuya' urtisanik pan iwi' rik'in ronojel ri itiko'n y pa ruwi' ronojel ri samaj ri xtiben. Kan xkixnimaq'ijun rik'in janila kikoten.

Deut 18:6

Wi k'o jun levita chupan xabachike tinamit chire ri iruwach'ulew y nrajo' nipe pa rachoch ri Jehová richin nusamajij rik'in ronojel ránima,

1 Rey 12:27

Wi ri nuwinaq xkebe pa Jerusalem richin nibekisuju' kamelabel pa rachoch ri Jehová, ri kánima xa xtitzolin chik rik'in ri Roboam rey richin Judá, y yin xkinkikamisaj kan y xketzolin chik rik'in ri rey, xcha-qa.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

Wuj Richin ri Nehemías 1:9

Jak'a wi rik'in ronojel iwánima nitzolej-pe ik'u'x wik'in, y nitaqej ri nupixa' y kan niben, stape' ta k'a pa ruk'isibel chire ri ruwach'ulew ix nutalun-wi-el, k'a chiri' xkixinwelesaj-wi-pe richin yixink'uaj chupan ri ruwach'ulew ri nucha'on, ri akuchi utz chi niya'ox-wi nuq'ij, keri' ri abin kan chire rija'.

Wuj Richin ri Jeremías 7:12

Kixbiyin chiri' pa tinamit Siló ri akuchi xk'oje-wi ri wachoch ojer kan y titz'eta' jebel ri achike ri xinben rik'in ri tinamit ri', roma ri rumak ri nutinamit.