Deut 12:30 - Kaqchiquel Bible

³⁰ kan tichajij-iwi' richin man nitzeqelibej ri ki-dios ri winaqi' ri', roma wi keri' xtiben, kan xkixk'is. Chuqa' man tik'utuj achike rubanik ri ki-dios, ni man ye'itzeqelibej richin niya' kiq'ij.

Deut 12:30 ပူးပေါင်းရင်းမြစ်များ

Ez 20:32

Xa kan k'o chik pan iwi' richin niben achi'el nikiben ri ch'aqa' chik ruwach'ulew ri nikiya' kiq'ij ri che' y ri abej. Re' man jun bey chik xtik'uluwachitej.

Wuj Richin ri Jeremías 10:2

kere' nubij: Man titzeqelibej kibey ri ch'aqa' chik tzobaj winaqi'. Chuqa' man tixibij-iwi' chuwech ri retal ri yepe chila' chikaj, achi'el nikiben rije'.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Wuj Richin ri Q'axanri'il 33:52

k'o chi xke'ikamisaj k'a konojel ri winaqi' aj chiri'. Chuqa' xke'iwulaj kan ronojel wachibel ri nikiya' kiq'ij, ri ki-dios ri xa e banon rik'in abej o e ya'erisan pa q'aq'. Chuqa' xke'iwulaj kan akuchi nikiya-wi kiq'ij wachibel pa ruwi' taq juyu'.

Wuj Richin ri Chojmirisabelri'il 18:3

Man k'a titzeqelibej ri kibanobal ri aj-Egipto ri akuchi xixk'oje-wi. Man k'a tiben achi'el ri nikiben ri aj-Canaán, ri ruwach'ulew ri akuchi yixink'uaj-wi. Y man k'a tiben achi'el ri kibanobal rije'.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Deut 12:29

Toq ri Jehová ri qa-Dios xkerelesaj-el chiwech ri nima'q taq tinamit ri akuchi xtiwichinaj-wi kan y xkixk'oje' k'a chiri' chupan ri kiruwach'ulew,

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Wuj Richin ri Chojmirisabelri'il 18:30

Roma ri' kan tibana' k'a achi'el ri nubij ri pixa' ri nuya'on chiwe, y man tiben ri itzel taq banobel, roma yin kan ninwixowaj ri xekibanala' ri winaqi' ri ek'o nabey chiwech rix. Roma ri' kan man k'a tiben rix ri keri', richin keri' kan jantape' ix ch'ajch'oj chinuwech. Ja yin Jehová ri i-Dios ri yibin chiwe, xcha'.

Deut 11:16

Kan tichajij k'a iwi'; man kixq'olotej; man tijech'ej kan iwi' rik'in rija' richin niya' kiq'ij ch'aqa' chik dios y yixxuke' chikiwech.

Deut 18:9

Toq xkixok chupan ri ruwach'ulew ri akuchi xtuya-wi ri Jehová ri qa-Dios chiwe; man titzeqelibej ri itzel taq banobel ri nikiben ri ch'aqa' chik ruwach'ulew.

2 Rey 16:10

K'ari' ri rey Acaz xbe rik'in ri Pul chiri' pa Damasco. Y chiri' ri Acaz xutz'et jun porobel richin kamelabel. Jari' toq xuteq-el jun ruwachibel ri porobel ri' chire ri sacerdote Urías ri k'o pa Judá, richin kan keri' rubanik niban chire.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.