Deut 12:28 - Kaqchiquel Bible

²⁸ Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Deut 12:28 ပူးပေါင်းရင်းမြစ်များ

San Juan 15:14

Wi niben ronojel ri ninbij chiwe, rix kan ix wachibil-wi.

San Juan 15:10

Wi rix niben ri yenbij chiwe, kan xkixk'ase' k'a rik'in ri wajowabal, achi'el yin ri kan ninben ri yerubij ri nata', y roma ri' ink'es rik'in ri rajowabal rija'.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

San Juan 15:3

Rix ri kan nuq'alajirisan-wi-pe ri nuch'abel chiwech, kan xixch'ajch'ojir yan k'a roma ri ch'abel ri'.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

2 Crón 7:17

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej k'a ronojel nupixa',

Deut 24:8

Rik'in juba' nipe ta chiwij jun itzel laj yabil ri nutaluj-ri' kan titaqej k'a ronojel ri nikibij ri e sacerdote levita chiwe ri nubin yin chike.

Deut 12:25

Kan man titej k'a ni man tiqum ri kik'. Wi xtiben ri nubij ri Jehová ri qa-Dios, kan utz k'a xkixbe rix y ri iwijatzul.

Wuj Richin ri Chojmirisabelri'il 19:37

Ronojel re' kan tiyaka' pan iwánima, y chuqa' kan keri' tibana'. Yin Jehová ri yibin.

Ex 34:11

Kan tibana' k'a ronojel ri xinbij chiwe chupan re jun q'ij re', y yin kan xkenwelesaj k'a el ri winaqi': Ri amorreo, ri cananeo, ri heteo, ri ferezeo, ri heveo y ri jebuseo.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Wuj Richin ri Molojri'il 8:12

Ri aj-mak kan pa wok'al k'a ch'a'oj ri yerubanala' y kan k'a nik'ase' na chubanik más. Man rik'in ri' yin kan yitikir ninbij chi ri k'o rukiy ri Dios chikiwech, kan kikoten xkek'ase-el, y xa kan k'o yan ri nikik'ul-el re wawe' roma kan k'o rukiy ri Dios chikiwech.

2 Rey 17:31

Ri aj-Avá xkiben ka'i' wachibel jun richin ri Nibhaz y jun richin ri Tartac; ri aj-Sefarvaim yekiporoj k'a ri kalk'ual richin nikiya' kiq'ij ri Adramélec y ri Anamélec ri e ki-dios.