Deut 12:27 - Kaqchiquel Bible

²⁷ Kan xtisuj k'a ri chikop ri niporox chijun, ri ti'ij y ri kik' pa ruwi' ri porobel, jak'a ri kich'akul ri chikopi' richin kamelabel kan utz nitej y xaxe k'a ri kik' ri xtitix pa ruwi' ri porobel.

Deut 12:27 ပူးပေါင်းရင်းမြစ်များ

Wuj Richin ri Chojmirisabelri'il 17:11

Ri kik' jari' ri ruk'exewach ri kik'aslen konojel ri e k'es. Roma ri' nubin chiwe chi ri kik' richin ri kamelabel, k'o chi niya'ox pa ruwi' ri porobel richin nijunamatej-iwech wik'in. Ri kik' ri', ruk'exewach ri ik'aslen, richin nuben chi nijunamatej-iwech wik'in.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Wuj Richin ri Chojmirisabelri'il 1:5

Y ri rajaw ri wákix kan chinuwech k'a yin xtukamisaj-wi; y ri sacerdote ri e ruk'ajol ri Aarón xtikik'ul k'a ri kik' y xtikichikaj chi kaji' ruxikin ri porobel ri k'o chuchi' ri wachoch; y keri' xtikisuj ri kik' chuwe.

Wuj Richin ri Chojmirisabelri'il 4:30

K'ari' ri sacerdote nuju-qa ri ruwi-ruq'a' chupan ri rukik'el ri chikop richin kuyubel-mak y nusu' chikij ri uk'a' ri ek'o pa ruwi' ri porobel, y ri ch'aqa' chik kik' nukaq'uj chuxe' ri porobel.

Wuj Richin ri Chojmirisabelri'il 3:1

Y chuqa' xubij ri Jehová: Wi ta ri sipanik kan richin ta nijunamatej ruwech ri wineq wik'in, y wi nuk'en ta pe jun chike ri wákix, ixoq o achij, k'o chi kan tz'aqet richin nusuj chinuwech yin Jehová.

Wuj Richin ri Jeremías 7:21

Yin Jehová ri k'iytisanel richin ronojel kere' ninbij chiwe rix nutinamit: Tiporoj chikop ri nik'is jumul y tisuju' ri kamelabel janipe' niwajo'. Chuqa' titija' ri ti'ij.