Deut 12:17 - Kaqchiquel Bible

¹⁷ Chuqa' man titej chupan ri itinamit ri jun chire ri lajuj chire ri jalajoj ruwech ixin, ri vino, ri aceite, ni ri nabey kal ri iwawej, ni man jun chire ronojel ruwech sipanik, ni ri sipanik ri yakon-q'anej chikaj.

Deut 12:17 ပူးပေါင်းရင်းမြစ်များ

Deut 26:14

Man jun chire ronojel re' xintej ta toq ink'o pa bis; ni man jun chire ronojel re' xinchop ta toq man in ch'ajch'oj ta; y chuqa' man jun chire re' nusujun ta chike kaminaqi'. Jehová ri at qa-Dios, yin kan nuniman-pe atzij y kan nutaqen-pe ronojel ri abin chuwe.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.

Deut 26:12

Ronojel juna' k'o chi niya' jun chire ri lajuj, jak'a pa rox juna' ri jun chire ri lajuj, k'o chi niya' chike ri e levita, ri man e iwinaq ta, ri meba'i' y ri malkani' ri ek'o chi'ikojol, richin rije' yewa' y ye'uk'ya' pa taq itinamit y nikitej ronojel ri nikirayij.

Deut 12:26

Jak'a ronojel sipanik ri ich'aron chire ri Jehová, re' kan xtik'uaj k'a el ri akuchi rucha'on-wi rija'.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

1 Corintios 10:18

Tich'obo' rij chuqa' ri nikiben ri qawinaq judío, toq rije' nikitej juba' chire ri ti'ij ri nikik'uaj-apo pa rachoch ri Dios. Y rik'in ri' nikik'ut chi rije' nikiya' ruq'ij ri Dios rik'in ri sipanik ri nikisuj ri sacerdote pa ruwi' ri porobel.

1 Sam 1:4

Y toq napon yan k'a ri q'ij chi ri Elcaná nusuj ri sipanik ri', jari' toq nuya' jutaqba' ti'ij richin ri sipanik chire ri Peniná y chike chuqa' ri e ralk'ual.

2 Crón 31:14

Ri jun levita rubini'an Coré ruk'ajol ri Imná, ja rija' ri nichajin ri ruchi' ri k'o pa relebel-q'ij chire ri ruwa-jay richin ri rachoch ri Dios. Ja rija' ri xya'ox kan richin nuk'ul chikiwech ri winaqi' ri janipe' nalex-pe pa kánima. Y chuqa' ja rija' nik'ulun chikiwech ri winaqi' ri kan k'o chi nikiya-apo y nutaluj chik chikiwech ri e sacerdote, y chuqa' ri ch'aqa' chik ri kan e ch'aron chik chire ri Jehová.