Deut 12:12 - Kaqchiquel Bible

¹² Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 12:12 ပူးပေါင်းရင်းမြစ်များ

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

2 Crón 29:36

Y ri Ezequías y konojel ri winaqi' kan janila k'a xekikot, roma ri Dios xeruto' richin chi'anin xek'achoj chujosq'ixik chijun ri rachoch.

Wuj Richin ri Nehemías 8:9

Konojel k'a ri winaqi' toq xkak'axaj ri nubij ri pixa' janila k'a xe'oq'. Yin Nehemías, ri sacerdote Esdras y ri e levita ri yojq'axan chikiwech ri winaqi', xqabij k'a chike: Man jun k'a chiwe rix tibison, ni man jun toq', roma re q'ij re' kan ch'aron-wi chire ri Jehová ri qa-Dios, xojcha'.

Wuj Richin Bix Chire ri Dios 147:1

Tinimirisaj ruq'ij ri Jehová, roma kan utz wi chi niya'ox ri bix chire ri qa-Dios. Kan jebel y kan ki' toq niya'ox ruq'ij rija'.

Wuj Richin ri Chojmirisabelri'il 23:40

Ri nabey q'ij richin ri nimaq'ij ri' xtik'uaj ruq'a' taq che' ri ek'o ruwech, y chuqa' xtik'uaj ruq'a' palma, ruq'a' ri che' ri k'o kixaq, y ri ruq'a' ri skab ri nik'oje' chuchi' raqen-ya'. Y xkixnimaq'ijun k'a wuqu' q'ij chinuwech yin.

Wuj Richin ri Q'axanri'il 18:20

Y ri Jehová xubij chuqa' chire ri Aarón: Rix man xtiwichinaj ta k'a ulew, kan man xkixichinan ta k'a junan kik'in ri iwinaq. Roma chikikojol rije', rix kan ja yin ri xkiniwichinaj.

Wuj Richin ri Q'axanri'il 18:26

Kere' tabij chike ri levita: Toq rix xtik'ul kan ronojel ri nimolotej chire ri lajuj ri xtikiya' ri iwinaq, ri ninya' yin chiwe richin niwichinaj, rix kan niwelesaj jun chire ri lajuj chire ronojel ri xtik'ul y jari' ri nisuj chuwe yin Jehová.

San Juan 13:8

Jak'a ri Pedro xubij: Man xtinya' ta q'ij chi xtach'ej re waqen, xcha'. K'ari' ri Jesús xubij: Wi man ninch'ej ta ri awaqen, man at nutijoxel ta chik, xcha'.

Hechos 8:21

Chuqa' rat man jun aq'a' chire re qasamaj, roma ri awánima xa man choj ta chuwech ri Dios.

Deut 10:9

Roma ri' ri e levita maneq ulew richin tiko'n xkichinaj chikikojol ri kach'alal, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:19

Man ke'imalij kan ri levita chupan chijun ri ik'aslen chuwech ri ruwach'ulew ri'.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Deut 14:29

richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 18:6

Wi k'o jun levita chupan xabachike tinamit chire ri iruwach'ulew y nrajo' nipe pa rachoch ri Jehová richin nusamajij rik'in ronojel ránima,

Deut 26:11

Y xkixkikot k'a roma ronojel ri utzil ri xtuya' ri Jehová ri qa-Dios chiwe rix y ri e aj pan iwachoch. Keri' chuqa' xkenimaq'ijun iwik'in, ri levita y ri man e iwinaq ta ri ek'o chi'ikojol.

Deut 26:12

Ronojel juna' k'o chi niya' jun chire ri lajuj, jak'a pa rox juna' ri jun chire ri lajuj, k'o chi niya' chike ri e levita, ri man e iwinaq ta, ri meba'i' y ri malkani' ri ek'o chi'ikojol, richin rije' yewa' y ye'uk'ya' pa taq itinamit y nikitej ronojel ri nikirayij.

Deut 27:7

Pa ruwi' ri' xtisuj-wi sipanik richin nuq'alajirisaj chi junan iwech rik'in ri Jehová, y chuwech rija' xkixwa' y xkixnimaq'ijun.

Wuj Richin ri Josúe 13:14

Jak'a ri tzobaj richin ri Leví man jun xkichinaj kan, roma ri kichin rije', ja ri nel kan chire ri niporox chuwech ri Jehová ri ki-Dios; jari' ri kichinan kan rije', achi'el rubin ri Jehová chike.

Wuj Richin ri Josúe 13:33

Jak'a ri tzobaj richin ri Leví, kan man jun ruwach'ulew xkichinaj pa ruq'a' ri Moisés, roma ja ri Jehová biyon chi ja ri sipanik ri niya'ox chire rija', jari' ri xkichinaj kan rije'.

Wuj Richin ri Josúe 14:4

Ri e ruk'ajol kan ri José ka'i' tzobaj kibanon; ri jun tzobaj ja ri richin ri Manasés y ri jun chik tzobaj ja ri richin ri Efraín. Jak'a ri tzobaj richin ri Leví man jun ri xkichinaj kan richin yetikonej chuwech; ri xkichinaj kan rije' xaxe jujun tinamit richin yek'oje-wi y juba' kisoq'olbal richin ri kiwákix y ri kikarne'l.