Deut 12:10 - Kaqchiquel Bible

¹⁰ Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Deut 12:10 ပူးပေါင်းရင်းမြစ်များ

1 Rey 4:25

Chijun ruk'aslen ri rey Salomón, ri winaqi' aj-Judá, y ri aj-Israel kan kuqul k'a kik'u'x xek'oje' k'a pa taq kachoch, roma man jun chik xnaqon kichin. Y kan keri' k'a xkiben chijun ruwach'ulew, nitiker-pe pa Dan y napon k'a pa Beerseba.

1 Rey 8:56

¡Nimalej ruq'ij-ruk'ojlen ri Jehová roma ruya'on chik uxlanibel-k'u'x chiqe roj ri oj rutinamit, achi'el ri rusujun kan rija'! Kan man jun k'a ch'abel chire ronojel ri rusujun kan chire ri rutinamit ri man ta banatajineq; ronojel ri xubij chire ri Moisés ri rusamajel, kan xbanatej-wi.

1 Crón 22:18

Y ri David xubij chike: Ri Jehová ri qa-Dios kan k'o-wi qik'in, y ruya'on uxlanibel-k'u'x xabakuchi, roma rija' kan xerujech yan pa nuq'a' konojel ri winaqi' richin chijun ruwach'ulew. Y re ruwach'ulew re' kan xk'oje' kan chuxe' rutzij ri Jehová y ri rutinamit.

Wuj Richin Bix Chire ri Dios 4:8

Rik'in uxlanibel-k'u'x xkikotz'e-qa y keri' xkiwer jebel; roma xaxe rat Jehová ri yabanon chuwe chi kuqul nuk'u'x yik'ase'.

Ex 33:14

K'ari' ri Jehová xubij chire ri Moisés: Kan xkibe k'a awik'in, richin chi man k'ayew ta xtana' y kan xtik'oje' ri uxlanen awik'in, xcha'.

Wuj Richin Etamabel-Tzij 1:33

Jak'a ri wineq ri kan nuben ri nubij ronojel re na'oj re', kan kuqul k'a ruk'u'x xtik'ase', kan k'o k'a uxlanen pa ruk'aslen, y man nuxibij ta ri' chi k'o ta nuk'uluwachij.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Ez 34:28

Rije' man jun bey chik xkek'oje' chuxe' kitzij ri ch'aqa' chik ruwach'ulew. Y ni ta ri k'uxunela' taq chikopi' man xkekitej ta chik. Kan xkek'ase' k'a rik'in ch'uch'ujil y man jun xtinaqo kichin.

Ez 38:11

Y xtich'ob richin yixok chupan ri kitinamit ri winaqi' israelita ri kikuquban kik'u'x y man jun nikimey. Man jun tz'aq kiya'on chikij ri kitinamit, ni man kiya'on ta nima'q taq ch'ich' chirij ri ruchi' ri kachoch.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Deut 11:31

Rix kan jare' k'a xkixq'ax la juk'an-apo ruchi' raqen-ya' y xtok iwichin ri ruwach'ulew ri xtuya' ri Jehová ri qa-Dios chiwe. Toq rix xe'ich'ek yan y ixk'o chik chupan,

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Deut 33:12

Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

Deut 33:28

Rix kan xkixk'ase' rik'in kuqubabel-k'u'x y ri iwijatzul kan xkek'ase' rik'in uxlanen roma ri chiri' e maneq chik etzelanel kichin. Chuwech ri ruwach'ulew kan xtiwachin ri trigo y ri uva, y ri chikaj kan xtiqaqa-pe job pa ruwi' ri iwulew.

Deut 4:22

Yin xa xkiken k'a kan chupan re ruwach'ulew re' akuchi re ojk'o-wi, y man xtinq'axaj ta apo ri raqen-ya' Jordán. Jak'a rix kan xtiq'axaj-apo ri raqen-ya' y xtiwichinaj k'a ri utzilej ruwach'ulew ri'.

Deut 9:1

Tiwak'axaj rix nuwinaq israelita: Wakami nibeq'axaj ri raqen-ya' Jordán richin niwichinaj ri nima'q taq ruwach'ulew, ri e k'iy winaqi' ri ek'o chupan y más kuchuq'a' chiwech rix, kan nima'q taq ruwach'ulew y e sutin-kij chi tz'aq ri janila nej e jotol.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Wuj Richin ri Josúe 14:1

Jare' ri ruwach'ulew ri xkichinaj kan ri israelita pa Canaán. Y ri xejachon ja ri sacerdote Eleazar, ri Josué ruk'ajol kan ri Nun, y ri e tata'al richin ri tzobaj kichin ri winaqi' israelita.

Wuj Richin ri Josúe 3:17

Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.

Wuj Richin ri Josúe 4:12

Y chuqa' xeq'ax ri achi'a' richin ri kitzobaj ri Rubén, ri Gad y ri nik'aj richin ri Manasés, y rije' xe'ik'o k'a nabey chikiwech ri ch'aqa' chik kiwinaq y kan kik'ualon k'a ri kikamisabal, achi'el rubin kan ri Moisés chike.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.