Deut 12:1 - Kaqchiquel Bible

¹ Jare' k'a ri pixa' ri ya'on chiwe, ri k'o chi nitaqej rix chijun ri ik'aslen, chupan ri ruwach'ulew ri xtuya' chiwe richin xtiwichinaj kan, ri rusujun chiqe ri Jehová ri qa-Dios roj, ri chuqa' ki-Dios ri qati't-qamama'.

Deut 12:1 ပူးပေါင်းရင်းမြစ်များ

1 Rey 8:40

Richin keri' kan xtikiya' k'a aq'ij y xtikinimaj atzij ronojel q'ij ri janipe' xkek'ase-el chuwech re ruwach'ulew ri xaya' kan chike ri qate-qatata'.

Wuj Richin ri Achin Job 7:1

Ri ruk'aslen ri wineq chuwech re chuwach'ulew xa kan janila k'ayew. junan rik'in ri ruk'aslen jun achin ri nitijox richin nibe pan oyowal; y kan junan chuqa' ruk'aslen rik'in jun aj-chiq'ij samajel ri k'o chi kow nisamej.

Wuj Richin Bix Chire ri Dios 104:33

Kan chijun k'a ri nuk'aslen xkibixan chire ri Jehová. Kan chire k'a ri nu-Dios xtinya-wi ri nubix rokik in k'es.

Wuj Richin Bix Chire ri Dios 119:5

Yin ninrayij k'a chi kan ta choj yibiyin chawech rat, chi kan ta nintaqej ri pixa' ri aya'on chiqe.

Wuj Richin Bix Chire ri Dios 146:2

Kan xtinya' k'a ruq'ij ri Jehová chijun ri nuk'aslen; kan xkibixan chire ri nu-Dios, rokik in k'es chuwech re ruwach'ulew.

Ez 20:19

Xinbij chike chi ja yin Jehová ri in ki-Dios y kan tikitzeqelibej k'a ri nupixa' y kan tikiyaka' k'a pa taq kánima.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Deut 12:19

Man ke'imalij kan ri levita chupan chijun ri ik'aslen chuwech ri ruwach'ulew ri'.

Deut 3:18

Chupan ri q'ij ri' xinya' chiwe rix ri ix rijatzul kan ri Rubén, ri Gad, y ri nik'aj chiwe ri ix rijatzul kan ri Manasés re jun ruchojmilal re': Ri Jehová ri qa-Dios nujech re ruwach'ulew re' chiwe richin niwichinaj kan. Jak'a konojel ri aj-labal, tikichapa' ri kikamisabal y ke'ik'o-el chikiwech ri qawinaq israelita.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.