Deut 11:9 - Kaqchiquel Bible

⁹ Richin keri' kan xtiyaloj ri ik'aslen chuwech ri jebelej ruwach'ulew ri rusujun ri Jehová chike ri qati't-qamama' y chiwe rix ri ix kijatzul.

Deut 11:9 ပူးပေါင်းရင်းမြစ်များ

Ex 20:12

Tiya' kiq'ij ri ite-itata', richin chi k'iy k'a juna' xkixk'ase-el chuwech re ruwach'ulew, ri ninya' yin Jehová ri i-Dios chiwe.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Wuj Richin Etamabel-Tzij 10:27

Ri wineq ri k'o rukiy ri Dios chuwech, nukochij más q'ij ruk'aslen, jak'a ri e banoy richin ri etzelal, ri Dios xa nuqupij chi'anin ri kijuna' chuwech re ruwach'ulew.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

Wuj Richin Etamabel-Tzij 3:2

roma re' kan xtikiben k'a chawe chi kan k'iy q'ij ri xtatz'et-el, k'iy juna' ak'aslen ri xtaq'axaj-el y xtuk'en chuqa' pe uxlanen chawe.

Wuj Richin Etamabel-Tzij 9:11

Woma k'a yin ri na'oj, ri wineq kan xkerukochij k'iy ruq'ij chuwech re ruwach'ulew, y ri rujuna' kan pa ruk'iyal k'a xkeruben-q'anej.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 11:10

Ri ruwach'ulew ri xtiwichinaj man achi'el ta ri ruwach'ulew Egipto, akuchi xojel-wi-pe. Chiri' kan xeqatik na y xeqaya'aj na ronojel tiko'n achi'el niban chike ri tiko'n ri ek'o pa taq qejoj.

Deut 11:21

richin chi rix y chuqa' ri iwalk'ual xtiyaloj ri ik'aslen chupan ri ruwach'ulew ri rusujun kan ri Jehová chike ri qati't-qamama'. Keri' ri ik'aslen kan xtiyaloj achi'el ri ch'umila' ri ek'o chuwech ri kaj.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Deut 5:16

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Deut 6:18

Tibana' k'a ronojel pa ruchojmilal chuwech ri Jehová ri qa-Dios y kan utz k'a xkixbe, richin keri' kan ronojel k'a utz xtel chiwech toq xkixok-apo chupan ri ruwach'ulew ri rusujun y rujikiban chi nuya' chike ri qati't-qamama'.

Deut 6:2

Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Deut 6:3

Roma ri' rix nuwinaq israelita tiwak'axaj, y kan tiya' k'a pan iwánima re pixa' re' richin utz xkixbe, y keri' kan xkixwinaqir chupan ri ruwach'ulew ri akuchi nik'ase' ronojel ruwech tiko'n, achi'el rusujun ri Jehová ri qa-Dios, ri chuqa' ki-Dios ri qati't-qamama'.

Deut 8:7

Roma ri Jehová ri qa-Dios yixberuya' chupan jun jebelej ruwach'ulew, ri akuchi ek'o kokoj raqen taq ya', ek'o ralaxbel taq ya' y ek'o chuqa' ya' e rimil xabakuchi; ya' ri kan yebiyin chuwa taq taq'aj y kojol taq juyu'.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.