Deut 11:25 - Kaqchiquel Bible

²⁵ Man jun k'a ri xtupaba' ta ri' chiwech, roma ri Jehová ri qa-Dios xtuben chike chi xtikik'en ikiy, y xtipe jun nimalej xibinri'il pa kiwi' ri winaqi' ri ek'o pa nima'q taq ruwach'ulew ri akuchi xkixq'ax-wi, achi'el ri rubin rija' chiwe.

Deut 11:25 ပူးပေါင်းရင်းမြစ်များ

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Deut 7:24

Y xkerujech ri ki-rey pan iq'a' y xkek'oje' chuxe' itzij rix, y rix xtiben chike chi ni jun chike rije' xtinatex ri rubi' chuwech re ruwach'ulew. Y man jun chike rije' xtupaba' ta ri' chiwech rix y kan xke'ik'is.

Ex 23:27

Yin kan xtinben richin xtikixibij-ki' chiwech, y xtinya' ri nimalej nuxibinri'il pa kiwi' konojel ri tinamit ri akuchi xkixq'ax-wi y xa xtusech kik'u'x y xke'animej k'a el chiwech ri e etzelanel iwichin.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Deut 2:25

Y ri Jehová xubij chi xtuben chike konojel winaqi' richin ri ruwach'ulew chi xtikik'en qakiy y xtikixibij-ki' toq xtikak'axaj ri qatzijol, y roma ri' rije' kan xkebaybot y xtipe bis kik'in.

Wuj Richin ri Josúe 2:9

Yin wetaman chi ri Jehová xujech yan re ruwach'ulew re' chiwe, roma ri' ri ikiy rix xoqaqa yan pa qawi' roj, y qonojel ri ojk'o chupan re jun tinamit re' xmayamoyan-qa ri qánima iwoma rix,

1 Crón 14:17

Ri xuben ri David kan xtalutej k'a rutzijol kik'in ri winaqi' richin chijun ruwach'ulew, y ri Jehová xuben k'a chire ri David chi kan k'o rukiy chikiwech chijun ruwach'ulew.