Deut 11:15 - Kaqchiquel Bible

¹⁵ Y chuqa' xtuben chi nik'ase-pe q'os pa juyu' richin nikitej ri iwawej, y chuqa' kan xtik'ase' ri iway rix y xtitej k'a janipe' ri niwajo'.

Deut 11:15 ပူးပေါင်းရင်းမြစ်များ

Deut 6:11

Xujikiba' chuqa' chi ri iwachoch nojineq rik'in beyomel ri man rix ta ix samajiyon, y ek'o pozo ri man rix ta ix k'otoyon, ek'o uva y olivo ri man rix ta ix tikiyon. Toq jebel chik ix wayneq

Wuj Richin Bix Chire ri Dios 104:14

Rat kan naben k'a chi nik'iy-pe ri q'os richin kiway ri chikopi'; ri tiko'n kan naben k'a chire chi niwachin richin chi nel-pe ruway ri wineq;

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Joel 2:22

Chuqa' man tixibij-iwi' rix chikopi' ri ixk'o pa k'echelaj, roma ri q'os ri k'o pa taq'aj xkeberaxer chik pe jun bey. Chuqa' ri che' xkewachin chik, achi'el ri wíkix; y kan pa ruk'iyal k'a xtik'oje' ruwech ri uva.

Deut 8:10

Xkixwa-xkixuk'ya' y kan xkixch'uch'u' k'a, y kan xtiya' k'a ruq'ij ri Jehová ri qa-Dios, roma ri utzilej ruwach'ulew ri xtuya' chiwe.

Wuj Richin ri Hageo 1:6

Rix xixtikonej-qa, jak'a xa juba' ok ri xik'ol. Yixwa', jak'a man ninoj ta ri ipan. Yixqumun, jak'a man nik'o ta qa ri chaqi'j-ichi'. Nikusaj itziaq pim, jak'a man yixmeq'e' ta chupan. Y ri nuk'ul rajel chiq'ij, achi'el xa nuk'ul pa jun peqes ri xa teq'el.

Joel 1:18

Janila ye'oq' ri q'ataj taq bóyix; nikikanoj ri kiq'os, y xa man nikil ta, roma maneq chik kiq'os. Chuqa' ri tzobaj taq karne'l xa yeken yan qa.

Wuj Richin ri Jeremías 14:5

Keri' chuqa' ri masat ri ek'o pa k'echelaj yekimalij kan ri taq kal ri k'a juba' ke'alex, roma maneq chik kiq'os.

1 Rey 18:5

y xubij chire: Jo', tibeqatz'eta' chupan chijun ruwach'ulew akuchi ek'o-wi ri ralaxbal taq ya' y akuchi ek'o ri ch'uti'n raqen taq ya'. Rik'in juba' xa niqil q'os kichin ri kiej y ri bur richin man yeken ta roma wayjal, roma wi man xtiqaben ta keri', xa kan man jun chik qakiej xtik'ase' kan, xcha'.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.