Deut 11:14 - Kaqchiquel Bible

¹⁴ rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Deut 11:14 ပူးပေါင်းရင်းမြစ်များ

Santiago 5:7

Wach'alal, ninbij k'a chiwe chi kixkoch'on, y man tiya' kan ri koch'onik ri', k'a toq xtapon ri q'ij toq xtipe chik jun bey ri qajaw. Achi'el nuben jun tikonel pa juyu', nikoch'on y nroyobej ri nabey y ruk'isibel taq job, k'a chirij ri' k'ari' nuk'ol ri ruwech ri rutiko'n.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

Ez 34:26

Yin kan xkenya' chunaqaj ri nujuyu' Sión y xtinya' urtisanik pa kiwi'. Xtinteq-pe ri job pa ruq'ijul y keri' chuqa' ri urtisanik.

Deut 28:12

Kan xtuya' k'a ri beyomel chiwe y ri kaj kan xtijaqatej richin xtiqaqa-pe job pa ruq'ijul. Y ronojel ri isamaj kan utz xtuben chiwech. Y ri ch'aqa' chik ruwach'ulew xkeqajon iwik'in, jak'a rix kan man jun ri xtik'utuj ta pa qajik chike rije'.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Wuj Richin ri Chojmirisabelri'il 26:3

Wi rix kan xtitzeqelibej ri pixa' ri nuya'on chiwe, y kan xtiyek pa taq iwánima y xtiben ri nubij,

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Wuj Richin ri Jeremías 5:24

Kan man xibij ta qa: Tiqaya' ruq'ij ri Jehová ri qa-Dios, roma kan pa ruq'ijul nuya-pe ri nabey y ri ruk'isibel taq job y kan ruya'on k'a pe jun q'ij richin niqak'ol ruwech ri tiko'n, man yixcha' ta qa.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Wuj Richin ri Malaquías 3:11

Xkenwelesaj k'a el ri xketijo ri itiko'n richin man jun bey chik xtikik'is chiwech. Chuqa' xtinben chi man xketzaq ta el ri kiwech ri i-uva pa ruq'ijul.