Deut 10:5 - Kaqchiquel Bible

⁵ K'ari' xiqaqa-pe pa ruwi' ri juyu'; y xenya' ri tz'alem taq abej ri' chupan ri káxa, achi'el xubij ri Jehová chuwe, y chiri' ek'o-wi k'a re wakami, xcha' ri Moisés.

Deut 10:5 ပူးပေါင်းရင်းမြစ်များ

Ex 25:16

Y ri ka'i' tz'alem taq abej ri xkenya' chawe, ri e tz'ibatel ri nupixa' chikiwech, xke'aya' k'a chupan ri káxa.

Ex 25:21

Y chupan k'a ri káxa ri' xtaya-wi ri ka'i' tz'alem taq abej, ri niq'alajirisan chi roj k'o chik tununri'il chiqakojol y k'ari' xtaya' ri tz'apebel ruwi' ri káxa.

Ex 32:15

Chirij ri' ri Moisés xbeqaqa-pe pa ruwi' ri juyu' y ruk'amon-pe ka'i' tz'alem taq abej ri akuchi e tz'ibatel-wi ri rupixa' ri Dios y kan chi e ka'i' kiwech ri abej e tz'ibatel-wi-pe.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

Ex 34:29

K'ari' ri Moisés xqaqa-pe pa ruwi' ri juyu' y ruk'amon-pe ri ka'i' tz'alem taq abej ri', ri niq'alajirisan ri rutzij ri Dios; y ri Moisés, kan man runaben ta k'a chi ri ruwech kan niyik'lun roma kan xch'on rik'in ri Jehová.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

Deut 10:2

y xtintz'ibaj-el chuwech ri tz'alem taq abej ri' ri ch'abel ri xentz'ibaj chuwech ri xe'apaxij; y re' xke'ayek chupan ri káxa, xcha' chuwe.

Deut 9:15

Toq yin xiqaqa-pe pa ruwi' ri juyu' ri nibiron pa q'aq', nuk'amon-pe pa nuq'a' ri ka'i' tz'alem taq abej richin ri rujikibel-tzij.

Wuj Richin ri Josúe 4:9

Y chuqa' ri Josué xunuk' chik kan kablajuj abej chiri', akuchi e pa'el-wi ri e sacerdote ri e uk'uayon ri káxa richin ri jikibel-tzij, y ri abej ri' k'a ek'o na chiri' re wakami.