Deut 10:4 - Kaqchiquel Bible

⁴ Ri Jehová kan xutz'ibaj chik chuwech, achi'el ri xutz'ibaj-pe pa nabey ri lajuj rupixa', y xuya' chik pe chuwe. Re' kan junan k'a rik'in ri ch'abel ri xubij chiqe toq xch'on pa ruwi' ri juyu' pa jun ruxaq-q'aq' chupan ri q'ij richin molojri'il.

Deut 10:4 ပူးပေါင်းရင်းမြစ်များ

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

Deut 18:16

Re' kan roma keri' ri xik'utuj chire ri Jehová ri qa-Dios, toq xch'on qik'in pa ruwi' ri juyu' Horeb, ri q'ij toq xqamol-qi' chiri'. Jari' toq rix xibij chi man niwajo' ta chik niwak'axaj ri ruch'abel ri Jehová ri qa-Dios, ni man niwajo' ta chik nitz'et ri jun nimalej ruxaq-q'aq' ri', richin keri' man yixken ta.

Deut 9:10

Ri Jehová xuya' k'a chuwe ri ka'i' tz'alem taq abej ri kan ja rija' xtz'iban y chiri' e tz'ibatajineq-pe ronojel ri ruch'abel, achi'el ri xubij chiwe pa ruwi' ri juyu' pa runik'ajal ri q'aq', ri q'ij toq qonojel xqamol-qi'.