Deut 10:22 - Kaqchiquel Bible

²² Toq ri qati't-qamama' xe'apon pan Egipto xaxe e oxk'al lajuj wineq, jak'a re wakami ri Jehová ri qa-Dios xuben chiqe chi janila xojwinaqir achi'el ri kajlabal ri ch'umila' ri ek'o chila' chikaj.

Deut 10:22 ပူးပေါင်းရင်းမြစ်များ

Wuj Richin ri Rutikeribel 15:5

Y xeri' ri Dios xrelesaj-pe chupan ri rachoch banon rik'in tzieq y k'ari' xubij chire: Katzu'un chikaj y ke'awajlaj la ch'umila' wi yatikir ye'awajlaj. Kela' k'a ruk'iyal ri awijatzul ri xkebek'oje', xcha' chire.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Rutikeribel 46:26

Konojel k'a ri' ri e ruk'uan-el ri Jacob toq xbe pan Egipto, ri kan e rijatzul rija' e oxk'al waqi' konojel. Y man xe'ajlex ta ri e kixjayilal ri e ruk'ajol.

Wuj Richin ri Rutikeribel 46:27

Y ri e ralk'ual ri José ri xe'alex pan Egipto e ka'i'. Ri Jacob y konojel k'a ri aj pa rachoch ri xe'apon-qa chiri' e oxk'al lajuj konojel.

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

Ex 1:5

Konojel k'a ri e rijatzul kan ri Jacob e oxk'al lajuj chi konojel y ri José kan k'o chik chiri' pan Egipto.

Wuj Richin ri Q'axanri'il 26:51

Keri' konojel k'a achi'a' ri e rijatzul kan ri Israel, ri kan utz chi yebe pa labal ek'o k'a e 601,730.

Wuj Richin ri Q'axanri'il 26:62

Y ri kajlabal ri e rijatzul kan ri Leví ek'o k'a e 23,000, ri k'o jun kik' pa jotol. Rije' man junan ta xe'ajlex kik'in ri ch'aqa' chik tzobaj kichin ri e rijatzul kan ri Israel, roma ri' man xya'ox ta kulew.

Hechos 7:14

Jari' k'a toq ri José xuteq kik'amik ri Jacob y ri rach'alal. E oxk'al wolajuj chi konojel.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.

Deut 26:5

Y kere' k'a xtibij-apo chuwech ri Jehová ri qa-Dios: Ri qati't-qamama' e aj-Aram xebe-kela' xebe-kela' xkiben y xa juba' man xeken. Chuqa' xebek'oje' pan Egipto y e juba' ok. Chiri' janila xewinaqir. Kan xe'ok jun nimalej tinamit y xk'oje' kuchuq'a'.

Deut 28:62

Re wakami janila ix k'iy kan achi'el ri kajlabal ri ch'umila' ri ek'o chikaj. Jak'a wi man xtinimaj ta rutzij ri Jehová ri qa-Dios, xa kan ix juba' chik ok xkixk'oje' kan.

Hebreos 11:12

Y roma ri' xaxe roma ri Abraham ri kan achi'el chik kamineq xek'oje' janila chi winaqi', kan achi'el ri ch'umila' ri ek'o chikaj, ri kan man jun ri nitikir najlan kichin, y achi'el chuqa' ri sanayi' ri k'o chuchi' ri palou.