Deut 10:2 - Kaqchiquel Bible

² y xtintz'ibaj-el chuwech ri tz'alem taq abej ri' ri ch'abel ri xentz'ibaj chuwech ri xe'apaxij; y re' xke'ayek chupan ri káxa, xcha' chuwe.

Deut 10:2 ပူးပေါင်းရင်းမြစ်များ

1 Rey 8:9

Chupan ri káxa ri' xa kan xaxe k'a ri ka'i' tz'alem taq abej k'o, y ri abej ri' jari' ri xuya' kan ri Moisés toq xk'oje' pa juyu' Horeb, ri akuchi xuben ri jikibel-tzij ri Jehová kik'in konojel ri e rijatzul kan ri Israel toq xe'el-pe pan Egipto.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Deut 10:5

K'ari' xiqaqa-pe pa ruwi' ri juyu'; y xenya' ri tz'alem taq abej ri' chupan ri káxa, achi'el xubij ri Jehová chuwe, y chiri' ek'o-wi k'a re wakami, xcha' ri Moisés.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

2 Crón 5:10

Chupan ri káxa ri' man jun achike ta chik ri k'o, xa kan xaxe ri ka'i' tz'alem taq abej ri xuya' kan ri Moisés chupan toq xk'oje' pa juyu' Horeb, ri akuchi xuben-wi ri jikibel-tzij ri Jehová kik'in ri e rijatzul kan ri Israel toq xe'el-pe pan Egipto.

Ex 32:19

Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.