Deut 10:13 - Kaqchiquel Bible

¹³ Chuqa' tiqataqej ronojel ri pixa', richin keri' kan utz xqojbe chupan ri qak'aslen.

Deut 10:13 ပူးပေါင်းရင်းမြစ်များ

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Deut 6:24

Chirij ri' ri Jehová xubij chiqe chi k'o chi niqataqej ronojel ri pixa' ri ya'on chire ri tinamit y kan niqaya' ruq'ij richin keri' utz xqojbiyin. Keri' chuqa' rija' xqojruchajij achi'el rubanon qik'in k'a re q'ij re'.

Santiago 1:25

Jak'a ri nak'axan ri ruch'abel ri Dios y nutz'et jebel ri nubij, y kan nuben, kan jebel ruwa-ruq'ij. Roma ri ruch'abel ri Dios kan utz wi y nuben chiqe chi oj totajineq chik.

Wuj Richin Etamabel-Tzij 9:12

Wi ri ibanobal rix kan nuk'ut chi k'o ina'oj, kan k'o rajel ruk'exel xtik'ul. jak'a wi rix xa ruyon yojobenik k'o chupan ri ik'aslen, xa ja rix xkixtijo poqon roma ri'.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 10:14

Ri Jehová ri qa-Dios kan richin k'a rija' ri kaj ri tz'etel y ri man tz'etel ta, y chuqa' chijun ruwach'ulew, y ronojel ri ek'o chuwech.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.