Deut 1:7 - Kaqchiquel Bible

⁷ Kixk'olon k'a el y tichapa' chik k'a el bey y kixbiyin pa li'an ruwi' taq juyu' pa kiruwach'ulew ri winaqi' amorreo y ri winaqi' ri ek'o chikinaqaj. Chuqa' pa ruwach'ulew Arabá y ri ruwa taq juyu' y chupan ri taq'aj ri k'o kojol juyu', pa Négueb, y ri ruwach'ulew ri ek'o chuchi' ri palou y k'a rik'in ri kiruwach'ulew ri cananeo, ri Líbano y k'a rik'in ri raqen-ya' Éufrates.

Deut 1:7 ပူးပေါင်းရင်းမြစ်များ

Deut 11:24

Ronojel ri ruwach'ulew ri akuchi xkixq'ax-wi jari' xtok iwichin, nitiker-pe pa xokon chire ri tz'iran ruwach'ulew y napon k'a pa Líbano, y nitiker-pe pa relebel-q'ij chire ri raqen-ya' Éufrates y napon k'a chuchi' ri palou.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

1 Crón 18:3

Ri David xuch'ek chuqa' ri rey Hadad-ézer richin ri ruwach'ulew Sobá, ri k'o pa xaman chunaqaj ri tinamit Hamat. Re' xbanatej toq ri Hadad-ézer beneq richin yeberuch'aka' ri ruwach'ulew ri k'o chuchi' ri raqen-ya' Éufrates.

1 Crón 5:9

Ri ruk'ulba't napon pa relebel-q'ij y k'a pa tz'iran ruwach'ulew ri k'o-pe chuwech ri raqen-ya' Éufrates, roma xk'iyer k'a ri kawej chiri' pa ruwach'ulew Galaad.

2 Sam 8:3

Keri' chuqa' ri David xbe chupan ri ruwach'ulew ri k'o kela' chuchi' ri raqen-ya' Éufrates richin nuk'en chik kan ri ruwach'ulew ri'. Y chiri' xuch'ek ri rey richin ri tinamit Sobá, ri rubini'an Hadad-ézer ruk'ajol ri Rehob.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Richin ri Josúe 1:4

Ri iruwach'ulew nitiker-pe chuchi' ri tz'iran ruwach'ulew ri k'o pa xokon y napon k'a chuchi' ri juyu' Líbano ri k'o pa xaman, y nuchop chik pe chuchi' ri nimalej raqen-ya' Éufrates ri k'o pa relebel-q'ij y chijun kiruwach'ulew ri e rijatzul kan ri Het y napon k'a chuchi' ri palou akuchi niqaqa-wi ri q'ij; ja ronojel re' ri ruchi' ri ruwach'ulew ri xtok iwichin.

Deut 11:11

Jak'a ri xtiwichinaj rix, kan jun ruwach'ulew ri kan k'o juyu' y taq'aj, ruwach'ulew ri kan niya'ex roma ri job.

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Apocalipsis 9:14

y xubij k'a chire ri ángel ri': Ke'asolo' ri kaji' ángel ri e ximil kan chuchi' ri nimalej raqen-ya' Éufrates, xcha'.

Wuj Richin ri Rutikeribel 12:9

Y ri Abram xel-el chiri' y eqal-eqal xapon-qa ri pa xokon.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Wuj Richin ri Josúe 9:1

Y xk'uluwachitej k'a chi toq konojel ri winaqi' aj-Canaán xkak'axaj ronojel ri xbanatej, jari' toq ri rey ri ek'o pa qajbel-q'ij chire ri raqen-ya' Jordán, ri ek'o pa taq'aj kojol juyu', y chuwa taq juyu', y ri taq'aj ri k'o chuchi' ri palou; ri ek'o pe kere' chuwech ri juyu' Líbano, ri hitita, ri amorreo, ri cananeo, ri ferezeo, ri heveo y ri jebuseo,

1 Crón 27:29

Ja ri Sitrai aj-Sarón ri k'o pa kiwi' ri awej ri yeyuq'ux pa taq'aj Sarón. Y ri Safat ruk'ajol ri Adlai, ja rija' ri k'o pa kiwi' ri awej ri ek'o pa ch'aqa' chik taq'aj.