Deut 1:5 - Kaqchiquel Bible

⁵ Y toq k'a ek'o na pa relebel-q'ij chire ri raqen-ya' Jordán, ri chiri' pa ruwach'ulew Moab, jari' toq ri Moisés xuben chike chi niq'ax jebel chikiwech re pixa' re', y kere' k'a xubij:

Deut 1:5 ပူးပေါင်းရင်းမြစ်များ

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Deut 1:6

Ri Jehová ri qa-Dios, xch'on qik'in pan Horeb y xubij: Janila ix yalojineq-qa, chuxe-pe re juyu' re'.

Deut 4:44

Jare' k'a ri jalajoj ruwech pixa', ri xuya' ri Moisés chike ri ruwinaq:

Deut 4:46

Re' xubij toq rije' k'a ek'o na chiri' pa relebel-q'ij chire ri raqen-ya' Jordán, pa taq'aj ri k'o chuwech-apo ri tinamit Bet-peor, pa ruwach'ulew kan ri rey Sihón, rey kichin ri amorreo. Rija' xk'oje' pa tinamit Hesbón, y jare' k'a xekich'ek ri Moisés y ri ruwinaq.