Deut 1:44 - Kaqchiquel Bible

⁴⁴ Jak'a ri winaqi' amorreo ri ek'o chiri' xa xixkik'ul chi oyowal y k'ari' xixkoqotaj-pe, kan e achi'el k'a q'atz'utuj ri xebejopojo-pe chiwij y kan xixkich'ek k'a chiri' pa ruwach'ulew Seír y xixkitzeqelibej k'a pa tinamit Hormá.

Deut 1:44 ပူးပေါင်းရင်းမြစ်များ

Wuj Richin Bix Chire ri Dios 118:12

Kan achi'el k'a nikiben ri xuruy xkiben chuwij, jak'a chi'anin xek'is achi'el nuben ri k'ix pa q'aq', roma kan rik'in ri ruchuq'a' ri Jehová xkich'akon chikij.

Wuj Richin ri Q'axanri'il 14:45

Jak'a ri amalecita y ri cananeo xebeqaqa-pe chikij ri winaqi' israelita richin xekich'ek. Y e koqotan-pe k'a toq xe'oqaqa k'a chiri' pa tinamit Hormá.

Wuj Richin ri Isaías 7:18

Kan xtibanatej k'a chupan ri q'ij ri' chi ri Jehová xtixuban richin xkeroyoj ri winaqi' aj-Egipto richin xkepe chiwij achi'el jun nima-tzobaj amolo', y chuqa' xkeroyoj ri winaqi' aj-Asiria richin xkepe achi'el jun nima-tzobaj xuruy.

Wuj Richin ri Q'axanri'il 21:3

Y ri Jehová kan xrak'axaj k'a ri kich'abel rije' toq xekamela'an chuwech y kan xerujech k'a ri winaqi' pa kiq'a' y xekik'is chuqa' ri kitinamit y roma ri' ri tinamit ri' xubini'aj Hormá.*f3*

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Josúe 7:5

Ri aj-Ai xekikamisaj k'a pe e juba' ma e juwineq waqlajuj achi'a' chike ri e rijatzul kan ri Israel y xekitzeqelibej-pe ri ch'aqa' chik toq xe'el-pe chiri' chuchi' ri tinamit y xe'apon k'a akuchi ye'elesex-wi abej; y xech'akatej chupan ri xulan-bey y roma ri' ri e rijatzul kan ri Israel xmayamo-qa ri kánima.