Deut 1:38 - Kaqchiquel Bible

³⁸ Chuqa' xubij: Jak'a ri ato'onel Josué, ri xtok-apo chupan ri ruwach'ulew ri' pan ak'exel rat. Tabij chire chi tutija' ruq'ij, roma ja rija' ri xtich'aron ri ruwach'ulew chikiwech ri ch'aqa' chik israelita.

Deut 1:38 ပူးပေါင်းရင်းမြစ်များ

Deut 3:28

Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Wuj Richin ri Q'axanri'il 14:30

Kan qitzij ninbij chiwe chi rix man xkixok ta chupan ri ruwach'ulew ri nusujun chiwe, ri akuchi yixbek'oje-wi; jak'a ri Caleb, ri ruk'ajol ri Jefuné y ri Josué, ri ruk'ajol ri Nun, kan xke'ok k'a chupan ri ruwach'ulew ri'.

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

1 Sam 16:22

Y ri Saúl xuteq chik rubixik chire ri Isaí: Yin nink'utuj utzil chawe richin nik'oje' ta ri David wik'in roma janila niqa' chinuwech, xcha'.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Wuj Richin ri Q'axanri'il 14:38

Y chike konojel ri xebenik'on kan ri ruwach'ulew, xaxe k'a ri Josué y ri Caleb ri man jun achike ta xkik'uluwachij.

Wuj Richin ri Q'axanri'il 13:16

Jare' ri bi'aj kichin ri achi'a' ri xeruteq-el ri Moisés, richin nibekinachaj ri ruwach'ulew; y ri Oseas, ri ruk'ajol ri Nun, xya'ox chik jun rubi' roma ri Moisés y xubini'aj Josué.

Wuj Richin ri Q'axanri'il 13:8

ri Oseas, ri ruk'ajol ri Nun, richin ri tzobaj richin ri Efraín;

Ex 33:11

Ri Jehová y ri Moisés kan nikitzu' k'a ki' toq yetzijon, kan achi'el toq jun wineq nitzijon rik'in jun rachibil. Y toq ri Moisés tzijowineq chik kan rik'in ri Jehová, nitzolin k'a ri akuchi ek'o-wi-qa. Jak'a ri Josué, ri to'onel richin ri Moisés, kan jantape' k'o chiri' chupan ri rachoch ri Dios.

Ex 24:13

Y ri Moisés jari' k'a nibe-el pa ruwi' ri juyu' rachibilan-el ri Josué ri ruto'onel.

Wuj Richin ri Josúe 1:1

Kere' k'a xbanatej chirij ri rukamik ri Moisés: K'o k'a jun achin rubini'an Josué ruk'ajol kan ri Nun y ri achin ri' ja rija' ri to'onel richin ri Moisés ri rusamajel ri Jehová; y toq kamineq chik el ri Moisés, ri Jehová xubij chire ri Josué:

Wuj Richin ri Q'axanri'il 34:17

Jare' ri kibi' ri achi'a' ri xketalun ri ruwach'ulew: Ri sacerdote Eleazar y ri Josué ruk'ajol ri Nun.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Wuj Richin ri Jeremías 40:10

Y yin xkik'ase' re wawe' pa Mispá richin yenk'ul-apo ri aj-Babilonia ri xkepe qik'in. Jak'a rix tiwuxu' ri uva y tibana' vino chire. Chuqa' tiwuxu' ruwech taq che' richin yetij y ri aceite. Ke'iyaka' kan jebel pa taq yakonabel y kixk'oje' k'a chiri' pa taq tinamit ri akuchi xkixk'oje-wi, xcha' chike.