Deut 1:37 - Kaqchiquel Bible

³⁷ Chuqa' ri Jehová xyakatej royowal wik'in yin iwoma rix y xubij chuwe chi chuqa' yin man xkinok ta apo chupan ri ruwach'ulew ri'.

Deut 1:37 ပူးပေါင်းရင်းမြစ်များ

Deut 4:21

Ri Jehová kan xyakatej k'a royowal chuwij yin iwoma rix, y xujikiba' rutzij chi yin man xkiq'ax ta apo juk'an chire ri raqen-ya' Jordán, ni man xkinok ta apo chupan ri utzilej ruwach'ulew ri rusujun ri Jehová Dios chiwe richin chi niwichinaj kan rix.

Wuj Richin ri Q'axanri'il 20:12

Kan jari' toq ri Jehová xubij chire ri Moisés y chire ri Aarón: Roma rix xa man xikuquba' ta ik'u'x wik'in, y xa maneq nuq'ij xiben chuwe chikiwech ri winaqi', roma ri' xa kan man ja ta k'a rix ri xkixukusan-apo re winaqi' re' chupan ri ruwach'ulew ri kan kichin rije', xcha'.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Wuj Richin ri Q'axanri'il 27:18

K'ari' ri Jehová xubij chire ri Moisés: Tak'ama-pe ri Josué, roma rija' kan k'o-wi ri Espíritu wichin yin rik'in y taya' ri aq'a' pa ruwi'.

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Deut 31:2

wakami k'o chik 120 nujuna' y man yitikir ta chik yixink'uaj. Y pa ruwi' re' ri Jehová rubin chik chuwe chi yin man xtinq'axaj ta apo ri raqen-ya' Jordán.

Deut 32:52

Xa roma ri' kan k'a nej xtatz'et ri ruwach'ulew ri xtinya' chike ri awinaq richin xtikichinaj, jak'a rat man xkatapon ta chupan, xcha' ri Jehová.

Deut 3:28

Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Deut 4:22

Yin xa xkiken k'a kan chupan re ruwach'ulew re' akuchi re ojk'o-wi, y man xtinq'axaj ta apo ri raqen-ya' Jordán. Jak'a rix kan xtiq'axaj-apo ri raqen-ya' y xtiwichinaj k'a ri utzilej ruwach'ulew ri'.