Deut 1:28 - Kaqchiquel Bible

²⁸ Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Deut 1:28 ပူးပေါင်းရင်းမြစ်များ

Wuj Kichin ri To'onela' 1:20

Ri tinamit Hebrón kan xya'ox chire ri Caleb, achi'el ri rubin kan ri Moisés; k'ari' ri Caleb xeroqotaj-pe chiri' ri e oxi' tzobaj winaqi' ri e rijatzul kan ri achin rubini'an Anac.

Wuj Richin ri Josúe 15:14

Ri Caleb xerelesaj k'a pe chi e oxi' rijatzul kan ri Anac: Ri Sesai, ri Ahimán y ri Talmai.

Wuj Richin ri Josúe 14:8

Ri qachibil ri xepe qik'in richin xoqanik'oj re ruwach'ulew re' xa xkiben chire ri tinamit richin xmayamo-qa ri kánima; jak'a yin xinben achi'el rubin ri Jehová ri qa-Dios.

Wuj Richin ri Josúe 11:22

Man jun k'a chike ri e rijatzul ri Anac ri xk'oje' ta kan chupan ri kiruwach'ulew Israel. Xaxe k'a xek'oje' kan chupan ri tinamit Gaza, Gat y Asdod.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Wuj Richin ri Isaías 13:7

Roma ri' konojel ri winaqi' aj chiri' kan xkelawalo-qa; konojel kan xtimayamo-qa ri kánima.

Wuj Kichin ri To'onela' 1:10

Chuqa' xebe chikij ri winaqi' ri aj pa tinamit Hebrón, ri chuqa' nibix Quiriat-arbá chire ojer kan; y chiri' xekikamisaj-wi ri Sesai, ri Ahimán y ri Talmai.

Wuj Richin ri Josúe 2:24

Y rije' xkibij chire ri Josué: Kan qitzij na wi chi ri Jehová xujech yan chijun ri ruwach'ulew Canaán pa qaq'a' y ri winaqi' ri ek'o chupan ri ruwach'ulew ri' kan xpe k'a jun nimalej xibinri'il chike. Y xmayamo' yan qa ri kánima qoma roj, xecha' rije'.

Wuj Richin ri Josúe 2:11

Toq roj xqak'axaj re' kan xk'is ruchuq'a' ri qánima, y konojel ri achi'a' kan kixibin-ki' iwoma rix, roma ri Jehová ri i-Dios rix, kan jari' ri Dios richin chila' chikaj y richin re ruwach'ulew.

Wuj Richin ri Josúe 2:9

Yin wetaman chi ri Jehová xujech yan re ruwach'ulew re' chiwe, roma ri' ri ikiy rix xoqaqa yan pa qawi' roj, y qonojel ri ojk'o chupan re jun tinamit re' xmayamoyan-qa ri qánima iwoma rix,

Deut 20:8

Chirij ri', chuqa' xtikibij: Wi k'o ta jun ri xa nuxibij-ri', más utz tibiyin kan pa rachoch, richin keri' man nuben ta chike ri rachibil chi nikixibij-ki', xkecha'.

Ex 15:15

Ri e aj-raqen ri chiri' pan Edom xkelawalo' roma xibinri'il, ri man jun bey nikixibij-ki' chiri' pa Moab, k'ari' xtikixibij-ki'. Y ri aj pa Canaán kan xtikik'en rukiy.

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

Deut 1:29

Jak'a yin xinbij chiwe: Man tixibij-iwi' y man kixbaybot chikiwech.

Deut 2:10

Ojer kan xek'oje' ri winaqi' emita chiri'. Ri winaqi' ri' janila e k'iy, kan janila kuchuq'a' y nima'q kipalen, kan e achi'el ri e rijatzul kan ri Anac.

Deut 7:17

Rik'in juba' rix nibij-qa pan iwánima: Re winaqi' kichin re ruwach'ulew re' kan k'o-wi más kuchuq'a' chiqawech roj, ¿achike k'a xtiqaben richin chi xkeqelesaj-el?, xkixcha'.

Deut 20:20

Jak'a wi ek'o che' ri xa man nikiya' ta kiwech, utz ke'ichoyo-el y tibanala' itobal chire richin yixtikir nich'ek ri tinamit ri niq'ijuj.