Deut 1:27 - Kaqchiquel Bible

²⁷ Y k'ari' xichop yixxebexot pa taq iwachoch ri e banon rik'in tzieq y xibij: Ri Jehová xa kan man yojrajo' ta, roma ri' xojrelesaj-pe pan Egipto, xaxe richin yojrujech pa kiq'a' ri winaqi' amorreo richin yojkikamisaj.

Deut 1:27 ပူးပေါင်းရင်းမြစ်များ

Deut 9:28

Wi man keri' ta, ri aj-Egipto xtikibij chi rat man yatikir ta naya' chiqe ri ruwach'ulew ri asujun chiqe, o xa roma kan yojawetzelaj, roma ri' xojawelesaj-pe chiri' xaxe richin yojak'is kan re wawe' pa tz'iran ruwach'ulew.

Wuj Richin Bix Chire ri Dios 106:25

Xa xkichop yexebexot pa taq kachoch. Man xkiya' ta k'a kixikin chire ri ruch'abel ri Jehová.

Wuj Richin ri Q'axanri'il 14:3

¿Achike roma toq ri Jehová nrajo' yojrukusaj chupan ri jun ruwach'ulew ri'? Roma xaxe nibeqaliba-qi' chutza'n espada. Y ri qixjayilal y ri qalk'ual ri ek'o, xaxe richin yebeqajacha' kan pa kiq'a' ri e etzelanel qichin. Más utz nuben chiqe roj wi yojtzolej chik el pan Egipto.

San Lucas 19:21

Roma yin ninxibij-wi' chawech. Roma at jun achin janila k'a'el. Xa kan nawajo-wi k'a yach'akon. Rat nawajo' nok awichin ri xa man ach'akon ta. Chuqa' nawajo' nak'ul ri nel-pe chuwech ri tikoj ri xa man rat ta xatiko-qa, xcha' ri samajel.

San Mateo 25:24

Jak'a toq xapon chuqa' ri samajel ri xaxe jun k'ojelibel rik'in q'anapueq ri ya'on kan pa ruq'a', rija' xubij k'a chire ri rajaw: Yin kan wetaman-wi k'a awech, y roma ri' wetaman chi janila at k'a'el. Xa kan nawajo-wi k'a yach'akon. Rat nawajo' nak'ul ri nel-pe chuwech ri tiko'n ri xa man rat ta xatiko-qa. Nawajo' nayek ri trigo ri xa man rat ta xach'ayo.

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Ex 16:8

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.