Deut 1:21 - Kaqchiquel Bible

²¹ Tiwetamaj k'a chi ri Jehová ri qa-Dios nujech ri ruwach'ulew chiqe, kixbiyin k'a q'anej y tichapa' y kan tibana' iwichin chire, kan achi'el ri rubin ri Jehová chike ri qati't-qamama'. Man k'a tixibij-iwi' y man kixmayamo-qa, xicha' chiwe.

Deut 1:21 ပူးပေါင်းရင်းမြစ်များ

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin ri Q'axanri'il 13:30

Y roma xewolol-q'anej ri winaqi' ri ek'o-apo chuwech ri Moisés, roma ri' ri Caleb xuben chike chi ketane-qa chi ch'owen, y xubij chike: Roj kan qitzij chi kan yojtikir chikij. Qojjote-el y tiqamaja' ri ruwach'ulew chikiwech, xcha'.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Deut 1:20

Y jari' toq xinbij chiwe: Xojoqaqa k'a chupan re ruwi' taq juyu' kichin ri winaqi' amorreo, ri nuya' ri Jehová ri qa-Dios chiqe.

Deut 9:23

Y toq ojk'o pa Cadés-barnea, ri Jehová kere' xubij chike: Kixjote-el richin niwichinaj ri ruwach'ulew ri nuya'on chik chiwe, xcha'. Jak'a rije' man xeniman ta chire ri ruch'abel. Man xkikuquba' ta kik'u'x rik'in y kan man xkinimaj ta rutzij.

Wuj Richin ri Nehemías 9:15

Xe'atzuq k'a rik'in ri wey ri xpe chila' chikaj toq rije' xenum. Xaya' k'a kiya' ri xel-pe chupan ri nimalej abej toq xchaqi'j kichi'. Xabij k'a chike chi nikichinaj ri ruwach'ulew, y rat kan xaya' k'a atzij chi ri ulew kan xok kichin.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Deut 20:3

y xtubij chike: Tiwak'axaj rix qawinaq; wakami xtibechapa' oyowal kik'in ri e etzelanel qichin, man timayamo-qa ri iwánima y man tixibij-iwi', y man kixbaybot chikiwech.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.