Deut 1:2 - Kaqchiquel Bible

² Y richin yatel-pe pan Horeb y yatapon pa tinamit Cadés-barnea y nak'uaj ri bey richin ri ruwach'ulew Seír ri k'o chuwi' taq juyu', k'o chi yabiyin julajuj q'ij.

Deut 1:2 ပူးပေါင်းရင်းမြစ်များ

Wuj Richin ri Rutikeribel 32:3

Y ri Jacob jari' toq xuben chi yeruteq k'a el uk'uey rutzijol pa Seir, ri k'o pa ruwach'ulew Edom richin tibekiya' rutzijol chire ri Esaú.

Ex 17:6

Yin xkinik'o k'a el chawech y xkibek'oje' pa ruwi' ri nimalej abej ri k'o chiri' pan Horeb. K'ari' rat xtak'osij ri nimalej abej ri' y chiri' xtel-pe ya' richin nikiqum ri awinaq. Y ri Moisés kan keri' k'a xuben chikiwech ri achi'a' ri k'o kiq'ij chikikojol ri israelita.

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

Wuj Richin ri Chojmirisabelri'il 2:14

Toq nawajo' nasuj ri nabey taq ruwech ri atiko'n chuwe yin, k'o chi nawotz'otz'ij pa q'aq' ri trigo y naq'ututej ri ruwech ri nel kan; jari' ri nasuj chuwe yin Jehová.

Wuj Richin ri Chojmirisabelri'il 9:23

K'ari' ri Moisés y ri Aarón xe'ok-apo chupan ri rachoch ri Dios richin molojri'il y toq rije' xe'el-pe, xekurtisaj chik ri winaqi' y jari' toq ri ruk'ojlemal ri Jehová xuk'ut-ri' chikiwech konojel ri winaqi'.

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Q'axanri'il 32:8

Keri' xkiben ri qate-qatata' toq ojk'o pa Cadés-barnea. Yin xenteq-el ri nachanela' richin xbekinik'oj ri ruwach'ulew.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Deut 1:44

Jak'a ri winaqi' amorreo ri ek'o chiri' xa xixkik'ul chi oyowal y k'ari' xixkoqotaj-pe, kan e achi'el k'a q'atz'utuj ri xebejopojo-pe chiwij y kan xixkich'ek k'a chiri' pa ruwach'ulew Seír y xixkitzeqelibej k'a pa tinamit Hormá.

Deut 2:1

Chirij ri' xojtzolin y xojbe pa tz'iran ruwach'ulew, xqak'uaj ri bey ri nibe pa Kaqa-Palou, achi'el ri rubin ri Jehová chuwe, y kan xaxe k'a chunaqaj ri chuwi' taq juyu' richin Seír xojk'oje-wi. Y kan chaq yojbe kela' yojbe kela' xqaben ri janipe' juna' xojk'oje' chiri'.

Deut 2:4

Kere' tabij chire ri tinamit: Rix kan yixbeq'ax yan k'a pa kitinamit ri edomita ri ek'o chiri' pa Seír, y ri winaqi' ri' kan e iwach'alal-wi. Rije' kan xtikixibij k'a ki' chiwech, jak'a rix kan utz tibana' kik'in.

Deut 2:8

Keri', roj xojbe k'a chuchi' ri kiruwach'ulew ri aj-Edom. Xojel-pe chupan ri bey ri peteneq pa tinamit Elat y Esión-guéber. Xeri' xojbe chupan ri bey ri nibe pa tz'iran ruwach'ulew richin Moab.

Deut 9:23

Y toq ojk'o pa Cadés-barnea, ri Jehová kere' xubij chike: Kixjote-el richin niwichinaj ri ruwach'ulew ri nuya'on chik chiwe, xcha'. Jak'a rije' man xeniman ta chire ri ruch'abel. Man xkikuquba' ta kik'u'x rik'in y kan man xkinimaj ta rutzij.

Wuj Richin ri Josúe 14:6

Y jujun chike ri e rijatzul kan ri Judá xebe richin xebetzijon rik'in ri Josué pa Guilgal; y chikikojol rije' beneq ri Caleb ruk'ajol ri Jefuné ri rijatzul ri Quenaz, y rija' xubij-apo chire ri Josué: Rat kan jebel awetaman achike xubij ri Jehová chire ri Moisés pa Cadés-barnea pa nuwi' yin y pan awi' rat.